Hyundai Motor jumysshylarynyń ereýili zaýyttaǵy óndiristi toqtatty
ASTANA. KAZINFORM – Hyundai Motor kásipodaǵy basshylyqpen jalaqyny kóterý jóninde kelisimge kele almaǵan soń aýqymdy ereýil bastady. Bul – kompanııa qyzmetkerleriniń sońǵy 10 jyldaǵy alǵashqy segiz saǵattyq ereýili, dep habarlaıdy Yonhap agenttigi.
Ereýilge kásipodaqtyń 39 myńǵa jýyq múshesi qatysyp jatyr. Hyundai Motor-dyń Ýlsan, Chondjý jáne Asan qalalaryndaǵy zaýyttarynyń óndiristik jelileri eki aýysymda jalpy 16 saǵatqa toqtatyldy.
Kásipodaq pen kompanııa basshylyǵy arasyndaǵy jalaqy jónindegi kelissózder mamyr aıynan beri jalǵasyp keledi. Juma kúngi aktsııany qosa eseptegende, jumysshylar jalpy 60 saǵat ereýil ótkizgen.
Sala mamandarynyń baǵalaýynsha, narazylyq sharalary jalǵasa berse, óndiristegi shyǵyn shamamen 55,2 myń avtokólikke jetýi múmkin. Al satylymnan túspeı qalǵan kiris qazirdiń ózinde 2,3 trln vonnan (1,64 mlrd dollar) asqan.
Kásipodaq dúısenbi jáne seısenbi kúnderi taǵy tórt saǵattyq ereýilder ótkizýdi josparlap otyr. Jumysshylar jalaqyny kóterýdi, jumys nátıjesine baılanysty syıaqy tóleýdi, jumystan shyǵarylǵan kásipodaq múshelerin qaıta qabyldaýdy jáne zeınetke shyǵý jasyn uzartýdy talap etedi.
Ereýil Hyundai Motor-dyń enshiles kompanııasy Kia-ǵa da áser etýi múmkin. Kia kásipodaǵy da basshylyqpen jalaqy máselesinde kelisimge kele almaǵan soń, sársenbiden jumaǵa deıin ishinara ereýil ótkizý josparyn maquldady.
Kia qyzmetkerleri bazalyq jalaqyny kóterýdi jáne kompanııanyń byltyrǵy operatsııalyq paıdasynyń 30%-y kóleminde syıaqy tóleýdi talap etip otyr. Eger josparlanǵan aktsııalar ótse, bul Kia-daǵy sońǵy alty jyldaǵy alǵashqy ereýil bolmaq.
Buǵan deıin Ońtústik Koreıanyń Samsung Electronics kompanııasynyń kásipodaǵy 55 jylda alǵash ret ereýil ótkizgen.
Aıta keteıik, Nıý-Iork temirjolyndaǵy ereýil 300 000 jolaýshy qozǵalysyn toqtatty.
