Hyundai qaýipsizdik beldigindegi aqaýǵa baılanysty 568 myń avtokólikti keri qaıtarmaq
ASTANA. KAZINFORM — Hyundai Motor kompanııasy AQSh-ta 568 580 Palisade avtokóligin keri qaıtaryp jatyr. Buǵan qaýipsizdik beldikteriniń ilgekterindegi aqaý sebep bolǵan – apat kezinde olar jolaýshylarǵa qajetti deńgeıde qorǵanys qamtamasyz etpeýi múmkin, dep jazdy Azertadj.
AZERTADJ agenttiginiń habarlaýynsha, bul týraly AQSh-tyń Ulttyq jol qozǵalysy qaýipsizdigi basqarmasy (NHTSA) málimdegen.
Keri qaıtarý sharasy 2020–2025 jyldar aralyǵyndaǵy Palisade modelderine qatysty.
Agenttik másele sheshilgenshe, kólik ıelerine qaýipsizdik beldigin ilgekke tez ári tik qozǵalyspen salyp, beldikti tartyp kórý arqyly berik bekitilgenine kóz jetkizýge keńes berip otyr.
Aqaý beldik ilgekteriniń quramyndaǵy keıbir bólshekterdiń tehnıkalyq talaptarǵa saı emes ólshemdermen jasalýynan týyndaǵan.
Al bıyl Qazaqstanda eń kóp satylǵan avtokólik túrlerin bilgińiz kelse, myna siltemege ótińiz.