«Hyundai» qaýipsizdik jastyqshasy qate bekitilgen 140 myńnan astam kóligin qaıtaryp jatyr
ASTANA. QazAqparat - Ońtústikkoreıalyq «Hyundai» avtokólik óndirýshisi AQSh naryǵynan 141 myń avtokólikti keıin qaıtaratyndyǵy jaıynda málimdedi. Buǵan qaýipsizdik jastyqshasynyń durys ornatylmaýy múmkindigi sebep bolyp otyr.
Osy oraıda bul sheshim 2011-2014 jyldar aralaǵynda shyqqan «Tucson» krossoverine qatysty bolýda.
Avtokontsernniń málimdemesine qaraǵanda, júrgizýshige baǵyttalǵan qaýipsizdik jastyqshasy modýliniń eki bolty rólge tıisti deńgeıde bekitilmeýi yqtımal eken. Bul turǵyda apat kezinde atalǵan jastyqshalar óziniń qyzmetin atqara almaýy múmkin.
Sonymen qatar búginde óndirýshige bul aqaýdyń saldarynan qandaı da bir qaıǵyly oqıǵalar men jaraqat alý faktileriniń oryn alýy jaıynda belgisiz kórinedi, dep jazady Rosbalt.
