Hyundai 42 myńnan astam kóligin keri qaıtaryp alady

ASTANA. KAZINFORM – Hyundai Motor North America kompanııasy myńnan astam kóligin aqaýǵa baılanysty keri qaıtaryp alady. Bul jaıynda NBC News jazdy.

AQSh-tyń Kólik mınıstrliginiń Ulttyq tas joldardaǵy qozǵalys qaýipsizdigi (NHTSA) 2025 jylǵy «Hyundai Tucson» jáne «Hyundai Santa Cruz» kólikteri tejegishti baspaǵan kezde de “turaq” jaǵdaıynan aýysý yqtımal transmıssııasmen jabdyqtalǵanyn málimdedi. Bul jaıt joldardaǵy apatty arttyrýy múmkin.

Osyǵan oraı AQSh-ta 35,5 myńnan astam «Tucson» men 6,9 myń “Santa Cruz» kólikteri qaıtarylady. Óıtkeni, NHTSA baǵalaýyna qaraǵanda, atalǵan kólikterdiń shamamen 1 paıyzynda aqaý bar.

Atalǵan kólik markalarynyń ıelerine 2025 jyldyń 19 qańtarynda hat jiberilmek.

Degenmen, Hyundai kompanııasy osyǵan deıin satylyp ketken kólikterge qatysty jaraqat alý, ólim-jitim, apat nemese órtený oqıǵalary boıynsha habarlama almaǵandyǵyn málimdedi.

NHTSA deregine sáıkes, bul Hyundai kólikterin alǵash ret keri qaıtarý emes. Buǵan deıin 2023-2025 jyldary shyǵarylǵan 145 myńnan astam «Genesis», «IONIQ», «IONIQ 6» jáne «Genesis GV60» markalary keri qaıtarylǵan bolatyn.