HVQ jemqorlyq saldarynan álemdik ekonomıkaǵa keltirilgen zalaldy $2 trln baǵalady
ASTANA. QazAqparat - Memlekettik sektordaǵy jemqorlyq jyl saıyn álemdik ekonomıkadan shamamen $1,5-2 trln nemese álemdik ІJÓ-nyń 2%-yn jymqyrady, delingen HVQ málimetterinde.
Jemqorlyq salyqtan jaltarý men kedeılikten góri ekonomıkalyq ósimniń báseńdeýine áldeqaıda qatty yqpal etedi, degen Halyqaralyq valıýta qorynyń habarlamasyndaǵy sózderdi keltirdi Reuters.
HVQ zertteýleriniń málimetinshe, jyl saıyn álemdik ekonomıkadan para retinde $1,5 trln - $2 trln (ІJÓ-nyń shamamen 2%) urlanady, dep jazdy RBK.
«Janama shyǵyn budan da kóp bolýy múmkin», - delingen HVQ basshysy Krıstın Lagardtyń baıandamasynda.
Onyń sózine qaraǵanda, jemqorlyq úkimetke degen senimdi jáne azamattardyń etıkalyq normalaryn buzady.
Naqty elderdi atamaǵan HVQ óz baıandamasynda qalypqa kelmeıtin tabıǵı resýrstarǵa degen táýeldilik, sonymen qatar olardy baqylaý tóńireginde týyndaıtyn daýlar jemqorlyqqa yqpaldasýy múmkin ekenin aıtady.
