HVQ Reseı ekonomıkasynyń 2025 jylǵa arnalǵan boljamyn tómendetti
ASTANA. KAZINFORM – Halyqaralyq valıýta qory (HVQ) Reseıdiń 2025 jylǵy JІÓ ósimi boıynsha boljamyn qaıta qarap, ony 0,6%-ǵa deıin tómendetti, al 2026 jylǵa arnalǵan boljamy ózgerissiz 1%-dy quraıdy, dep habarlaıdy TASS.
HVQ-nyń sońǵy jahandyq ekonomıkalyq damý bolashaǵyna qatysty kezekti esebine sáıkes, aǵymdaǵy jyldyń boljamy qordyń shildedegi baǵalaýymen salystyrǵanda 0,3 paıyzdyq tarmaqqa tómendegen. HVQ sarapshylary kelesi jyly Reseıdiń JІÓ 1%-ǵa ósedi dep boljap otyr.
Qor málimetinshe, ótken jyly Reseı ekonomıkasy 4,3%-ǵa ósti. Sáýirde HVQ bul kórsetkishti 4,1% dep baǵalady.
- Eýropanyń naryqtary damyp otyrǵan elderi men damýshy elderdegi ósý qarqyny 2024 jylǵy 3,5%-dan 2025 jyly 1,8%-ǵa deıin, 2026 jyly 2,2%-ǵa deıin qalypty qalpyna keltirýmen aıtarlyqtaı tómendeıdi dep boljanyp otyr, - delingen qujatta.
Bul eń aldymen Reseıdegi ósimniń 2024 jyly 4,3%-dan 2025 jyly 0,6%-ǵa jáne 2026 jyly 1%-ǵa deıin kúrt tómendeýine baılanysty.
- Tómenge qaraı qaıta qaraý negizinen 2024 jyldyń tórtinshi toqsanyndaǵy bıýdjet shyǵystarynyń shoǵyrlanýyn kórsetetin derekterdiń jaqynda jarııalanýymen baılanysty bolyp otyr, bul 2024 jylǵy JІÓ ósimin 4,1%-dan 4,3%-ǵa deıin baǵalaýdy qaıta qaraýǵa ákeldi. Keri áser 2025 jylǵa arnalǵan boljamda kórinis tapty, - delingen habarlamada.
HVQ baǵalaýynsha, Reseıdegi ınflıatsııa 2024 jyly 8,4%-dy qurady, 2025 jyly 9%-ǵa jetedi jáne 2026 jyly 5,2%-ǵa deıin tómendeıdi. Ótken jyly Reseıdegi jumyssyzdyq deńgeıi HVQ málimettinshe 2,5%-dy qurady, bıyl 2,4%-ǵa deıin tómendeıdi jáne keleshekte 3,1%-ǵa deıin ósedi.
Rosstat dereginshe ótken jyldyń sońynda Reseıde ınflıatsııa 9,52 paıyzdy quraǵan. https://kaz.inform.kz/news/reseyde-inflyatsiya-osm-21-di-kuradi-933d2e/
Sondaı-aq Reseıde QQS mólsherlemesin 22%-ǵa deıin kóterý máselesi qaralyp jatqanyn jazǵan edik.
