HVQ ókili Qazaqstannyń energetıka salasyndaǵy reformalaryna joǵary baǵa berdi
ASTANA. KAZINFORM - Energetıka mınıstri Erlan Aqkenjenov Halyqaralyq valıýta qorynyń (HVQ) Qazaqstandaǵy mıssııasynyń basshysy Amına Lareshpen kezdesý ótkizdi, dep habarlaıdy QR Energetıka mınıstrliginiń baspasóz qyzmeti.
Kezdesý barysynda taraptar Qazaqstannyń energetıka salasynyń damý úrdisterin, energetıkalyq qaýipsizdikti qamtamasyz etý máselelerin, salanyń ınvestıtsııalyq tartymdylyǵyn, sondaı-aq munaı-gaz kesheni men elektr energetıkasyn damytýdyń perspektıvalaryn talqylady.
Energetıka mınıstri Qazaqstan el ekonomıkasynyń damýyna mańyzdy úles qosyp otyrǵan energetıka sektorynyń turaqty jumysyn qamtamasyz etý baǵytyn ustanatynyn atap ótti. Bul rette energetıkalyq ınfraqurylymdy jańǵyrtýǵa, munaı-gaz hımııasyn damytýǵa, resýrstyq bazany keńeıtýge, ınvestıtsııalar tartýǵa jáne eksporttyq baǵyttardy damytýǵa erekshe nazar aýdaryldy. Sondaı-aq jańartylatyn energııa kózderin damytý máseleleri jeke qaraldy.
Taraptar salalyq saıasatty jetildirý, energetıkalyq qaýipsizdikti qamtamasyz etý jáne energetıka sektorynyń tıimdiligin arttyrý máseleleri boıynsha pikir almasty.
HVQ Qazaqstanda energetıka salasyn damytý baǵytynda júrgizilip jatqan jumystarǵa joǵary baǵa berdi.
Halyqaralyq energetıkalyq kún tártibin talqylaý barysynda jahandyq energetıkalyq naryqtardyń turaqtylyǵyn saqtaý, logıstıkalyq tizbekterdiń senimdiligi men energııa resýrstarynyń halyqaralyq saýdasy úshin boljamdy jaǵdaılardy qamtamasyz etýdiń mańyzdylyǵy atap ótildi.
Kezdesý qorytyndysy boıynsha taraptar odan ári syndarly ózara is-qımyldy jalǵastyrýǵa jáne Qazaqstannyń energetıka salasy men ekonomıkasyn ornyqty damytý máseleleri boıynsha dıalogty jalǵastyrýǵa ózara múddeliligin rastady.
Osyǵan deıin Qazaqstannyń ınvestıtsııa tartý men dekarbonızatsııany qatar júrgizetini týraly jazdyq.
