HVQ-nyń jańa boljamynda munaı baǵasy birshama tómendedi

ASTANA. QazAqparat - Halyqaralyq valıýta qory (HVQ) 2017 jáne 2018 jyldardaǵy munaıdyń halyqaralyq baǵasynyń boljamyn shamamen 3 dollarǵa, ıaǵnı aldyńǵy boljammen salystyrǵanda - barreline 51,9 jáne 52 dollarǵa deıin tómendetti, dep habarlaıdy Rıa Novostı.

«Munaı baǵasy AQSh-taǵy munaı qory deńgeıiniń joǵarylýy jáne ondaǵy usynystardyń artýyna baılanysty tómendep otyr. Jalpy qunsyzdaný sondaı-aq, 2016 jyldyń ekinshi jartysynda bolǵan bırjalyq taýarlar baǵasynyń ósimi álsireýinen tómendeýde jáne áli de ortalyq bankterdiń kóbinese ekonomıkasy damyǵan elderdiń maqsattyq kórsetkishterinen aıtarlyqtaı tómen», - dep túsindiredi qor sarapshylary.

Nátıjesinde, «fıýchers naryǵyna negizdelgen boljamdy baǵa (2017 jyldyń 1 maýsymynadaǵy jaǵdaı boıynsha) 2017 jyly 51,9 AQSh dollaryn, 2018 jyly 52 AQSh doldaryn quraıdy.

HVQ-ynyń sáýir aıyndaǵy boljamy 2017 jylǵy munaıdyń halyqaralyq baǵasyn kerisinshe shamamen 4 dollarǵa - barreline 55,23 dollarǵa deıin, 2018 jyly - 2 dollarǵa, ıaǵnı barreline 55,06 dollarǵa deıin arttyrdy, dep habarlaıdy Rıa Novostı.