HVQ lańkestik pen bosqyndardyń álemdik ekonomıkaǵa yqpalyn eskertti
ASTANA. QazAqparat - Halyqaralyq valıýta qory jahandyq ekonomıkaǵa lańkestiktiń, bosqyndarǵa baılanysty daǵdarystyń jáne basqa da faktorlardyń yqpalyna alańdaýshylyq bildiredi, delingen Shanhaıda ótetin G20 qarjy mınıstrleriniń otyrysyna qor mamandary daıarlaǵan HVQ baıandamasynda, dep habarlady RIA Novostı.
«Geosaıası shıelenistiń nasharlaýy jáne keıbir elder men aımaqtarǵa tónip turǵan lańkestik, bosqyndar, jáne basqa da jahandyq indetter sııaqty ekonomıkalyq emes qaterler álemdik saýdaǵa, qarjylyq jáne týrıstik aǵyndarǵa kedergi keltirip, eleýli janama aýyrtpalyqtar týdyrýy múmkin», - delingen qujatta.
