HVQ Qytaıdaǵy ıýan devalvatsııasyna qatysty saraptama qorytyndysyn jarııalady
ASTANA. QazAqparat - QHR valıýtalyq naryǵyn reformalaý baǵytyn jalǵastyratyn bolsa, eki-úsh jyldan keıin ıýanniń qubylmaly baǵamyna jetedi. Bul týraly Halyqaralyq valıýtalyq qorynyń (HVQ) Qytaıdaǵy mıssııa basshysy Markýs Rodlaýer málimdedi.
Qytaıdaǵy mıssııa jumysynyń qorytyndylaryn shyǵarǵan Rodlaýerdiń aıtýynsha, qor qyzmetkerleri Qytaıdaǵy ekonomıkalyq ahýalǵa saraptama jasaǵan. HVQ boljamyna sáıkes, eldiń 2015 jylǵy JІÓ ósimi 6,8 paıyz, al 2016 jyly 6,3 paıyz deńgeıinde bolmaq.
«Biz tutastaı alǵanda, Qytaıdyń 2-3 jyldyń ishinde valıýtanyń tıimdi qubylmaly baǵamyna qol jetkize alatynyna senemiz», - dedi Rodlaýer.
Eger QHR reformalaý baǵytynan bas tartsa, 2020 jylǵa deıin ekonomıka ósimi JІÓ-niń shamamen 5 paıyzy deńgeıine deıin báseńdeıdi», - delingen HVQ jasaǵan saraptamada.
Buǵan leıin Halyqaralyq valıýta qory Qytaı Ulttyq bankiniń ıýanniń devalvatsııasy týraly sheshimin qoldaǵan bolatyn.
QHR Halyq banki seısenbi kúni ıýanniń dollarǵa qatysty baǵamyn 1,9 paıyzǵa, sársenbi kúni - 1,62 paıyzǵa, al beısenbide - taǵy 1,1, paıyzǵa tómendetken.
