HVQ qazan aıynda álemdik ekonomıkanyń damýy boıynsha boljamdy 3,3 paıyzdan 2,9 paıyzǵa deıin tómendetti -E. Dosaev
ASTANA. 11 qazan. QazAqparat - Halyqaralyq valıýta qory qazan aıynda álemdik ekonomıkanyń damýy boıynsha boljamdy 3,3 paıyzdan 2,9 paıyzǵa deıin tómendetti.
Bul týraly búgin Aqordada Elbasy Nursultan Nazarbaevtyń tóraǵalyǵymen ótip jatqan Qazaqstannyń áleýmettik-ekonomıkalyq damýyna arnalǵan Úkimettiń keńeıtilgen otyrysynda QR Ekonomıka jáne bıýdjettik josparlaý mınıstri Erbolat Dosaev málim etti.
«Esepti kezeńde álemdik ekonomıkanyń baıaý qalypqa kelýi baıqaldy. Bıylǵy birinshi jartyjyldyqta AQSh-tyń ishki jalpy óniminiń ósimi ortasha alǵanda 1,5 paıyzdy qurady. Qazaqstan eksportynyń 50 paıyzy tıesili Eýroaımaq ekonomıkasynyń ósimi bıylǵy ekinshi toqsanynda 0,5 paıyzdy qurady»,-dedi mınıstr.
Al, Qytaı ekonomıkasynyń ósimi 7,5 paıyzdyq joǵary deńgeıde bolsa da, boljanǵan deńgeıden tómendedi. Sonymen qatar Reseıdiń de ekonomıkasy tejeldi.
«Sońǵy úrdisterge baılanysty qazan aıynda halyqaralyq valıýta qory álemdik ekonomıkanyń ósimi boıynsha boljamdy 3,3 paıyzdan 2,9 paıyzǵa deıin tómendetti.
