HVQ basshysy Krıstın Lagard «Tapı isi» boıynsha aıyptaldy
ASTANA. QazAqparat - Frantsııada Halyqaralyq valıýta qorynyń dırektory Krıstıan Lagardqa aıyp taǵyldy. Bul týraly Agence France-Presse habarlady.
Ol Nıkolıa Sarkozı prezıdent bolǵan kezde qarjy mınıstri oryntaǵynda qylmystyq áreketke bardy dep kúdiktelgen. Lagardtyń ózi agenttikke burynǵy qyzmetine baılanysty taǵylǵan aıyp úshin HVQ basshylyǵy oryntaǵynan otstavkaǵa ketýge nıeti joq ekendigin málimdedi.
Krıstın Lagard «Tapı isi» boıynsha aıyptaldy. 1990 jyly bıznesmen Bernar Tapı frantsýzdyq «Lıondyq kredıt» qarjy ortalyǵynyń enshiles bankisinen «Adıdas» kompanııasyndaǵy úlesin satyp alýǵa aqsha alǵan. Al 1993 jyly sol «Lıonskıı kredıt» konsortsıým qurady, onda Tapıdiń tapsyrmasy boıynsha onyń «Adıdastaǵy» úlesin satyp jiberedi. Negizinen, tergeý boıynsha, bank ofshorlyq syzba kómegimen kompanııany ózine satqan.
2003 jyly Bernar Tapı konsortsıým on jyl buryn satý baǵasyn arzandatqan bıznesmenniń nusqasy boıynsha bankten ótemaqy talap etken. Sol ýaqytta «Lıondyq kredıt» ishinara úkimettiń baqylaýyna kóshken edi. Sondyqtan daýdy sol kezde Langard basqarǵan qarjy mınıstrligi qarap, aqyr sońynda talaparyzdy jeke tórelik komıssııaǵa beredi. Nátıjesinde bıznesmen 403 mıllıon eýro mólsherinde ótemaqy alady. Sotsıalıster Sarkozı ákimshiligin qarjylyq aıla-sharǵy jasady dep aıyptady, saılaýda jeńip shyqqannan keıin Fransýa Olland osy is boıynsha tergeýge bastamashylyq etti.
