HVQ 2026 jylǵa arnalǵan jahandyq ekonomıkalyq ósim boljamyn tómendetti
ASTANA. KAZINFORM – Halyqaralyq valıýta qory 2026 jyly álemdik ekonomıkanyń ósý qarqynyna qatysty boljamyn 3,1%-ǵa deıin tómendetti, dep habarlaıdy Sınhýa.
Uıymnyń «Álemdik ekonomıkanyń damý perspektıvalary» (World Economic Outlook) atty jańartylǵan esebinde 2027 jylǵa arnalǵan boljam 3,2% deńgeıinde saqtalǵan.
Qaıta qaralǵan boljam jahandyq ekonomıkalyq ósimniń baıaýlaıtynyn kórsetedi. HVQ baǵalaýynsha, 2025 jyly álemdik ІJÓ ósimi 3,4% bolǵan.
Buǵan deıin 2026 jylǵa arnalǵan ósim 3,4% deńgeıinde boljanǵan edi.
Esepte Taıaý Shyǵystaǵy qaqtyǵystyń yqpaly eskerilip, dástúrli bazalyq boljamnyń ornyna «anyqtamalyq boljam» usynylǵan. Ol qaqtyǵys aýqymy men uzaqtyǵy shekteýli bolady jáne onyń saldary 2026 jyldyń ortasyna qaraı álsireıdi degen joramalǵa negizdelgen.
Sondaı-aq qor derekterine sáıkes, 2026 jyly jahandyq ınflıatsııa 4,4%-ǵa deıin ósip, 2027 jyly 3,7%-ǵa deıin tómendeıdi dep kútilip otyr.
Aıta keteıik, HVQ Tramp áreketiniń álemdik ekonomıkada «shıelenisti spıral» týdyrýy múmkin ekenin boljaǵan bolatyn.
