Hýsıtterdiń Adendegi prezıdent saraıyna shabýyly: bes adam qaza taýyp, 16 adam jaralandy
ASTANA. KAZINFORM — Iemen úkimeti premer-mınıstr men kabınet músheleri hýsıtterdiń Adendegi ál-Maashık prezıdent saraıyna jasaǵan zymyran shabýylynan aman qalǵanyn málimdedi, dep habarlaıdy Al Jazeera.
Iemen densaýlyq saqtaý mınıstri Kasem Bheıbahtyń aıtýynsha, shabýylda kem degende bes adam qaza taýyp, 16 adam jaralanǵan.
Anadolu agenttigi habarlaǵandaı, Iemenniń aqparat mınıstri Mýammar ál-Irıanı shabýyl kezinde ǵımaratta bolǵan Iemen premer-mınıstri men kabınet músheleriniń zardap shekpegenin málimdedi.
Iemendegi Saýd Arabııasy bastaǵan koalıtsııanyń ókili 7-11 qazan aralyǵynda Er-Rııadtaǵy Korol Halıd halyqaralyq áýejaıyna jasalǵan shabýyldarda 17 adam qaza taýyp, 333 adam jaralanǵanyn málimdedi.
Prezıdent Donald Tramp Saýd Arabııasynyń hýsıtterge qarsy áskerı operatsııasyna qosylǵan jaǵdaıda, kóterilisshiler AQSh-tyń Taıaý Shyǵystaǵy múddelerine jedel ári joıqyn soqqy beretinin málimdegen bolatyn.
