Hýsıtter Iemenniń Taız provıntsııasyndaǵy birneshe aýdandy baqylaýyna aldy
ASTANA. KAZINFORM — «Ańsar Allah» qozǵalysynyń qarýly kúshteri (hýsıtter) Iemenniń ońtústik-batysyndaǵy Taız provıntsııasynda At-Týrba aýdanyn, sondaı-aq Esh-Shamaıtaın men Samı aýdandaryn baqylaýyna aldy, dep jazady IRNA aqparat agenttigi.
Olar bul aýmaqtardan Saýd Arabııasy qoldaıtyn jasaqtardy yǵystyrǵan. Bul týraly Saba aqparat agenttigi áskerı derekkózderge silteme jasap habarlady.
Derekkózdiń málimetinshe, Saýd Arabııasyn qoldaıtyn kúshter negizgi pozıtsııalaryn shuǵyl tastap, 20-dan astam áskerı tehnıka men qarý-jaraq jáne oq-dári tıelgen bes júk kóligin Shardjab pen Týr-al-Baha aýdandaryna qaraı áketken. Sonymen qatar Saýd Arabııasynyń keńesshileri men jergilikti komandırler de provıntsııadan ketken.
Áskerı vedomstvonyń málimetinshe, At-Týrba, Esh-Shamaıtaın jáne Samı aýdandaryn baqylaýǵa alý strategııalyq turǵydan mańyzdy. Sebebi bul aýmaqtar arqyly Taızdi Týr-al-Baha jáne Lahdj provıntsııalarymen baılanystyratyn negizgi kólik joldary men jabdyqtaý baǵyttary ótedi.
Oqıǵalar Taız provıntsııasynyń ońtústik-batys bóligindegi áskerı kúshterdiń ornalasý jaǵdaıyn aıtarlyqtaı ózgertip otyr.
Buǵan deıin hýsıtter Saýd Arabııasy Iemen astanasyna 26 áýe soqqysyn jasaǵanyn málimdedi.
