Hýsıtter Tel-Avıvtegi Ben Gýrıon áýejaıyna shabýyl jasady
ASTANA. KAZINFORM – Búgin Iemendik hýsıt kóterilisshileri Tel-Avıvtegi Ben-Gýrıon áýejaıynyń mańynda zymyran ushyrdy, dep habarlaıdy Kazinform Euronews arnasyna silteme jasap.
IDF zymyrandy ustap alýǵa birneshe áreket jasalǵanyn, biraq bári sátsiz bolǵanyn aıtty. Bul oqıǵa boıynsha tergeý bastaldy.
Jarylys saldarynan úsh adamnyń jeńil jaraqat alǵany habarlandy.
Gaza sektorynda soǵys bastalǵannan beri hýsıtter Izraılge júıeli túrde zymyrandardy ushyrǵanyn atap ótti. Biraq buǵan deıin ızraıldik BAQ habarlaǵandaı, olar árqashan sátti ustaldy.
Ulttyq birlik partııasynyń tóraǵasy Bennı Gants X akkaýntynda hýsıttermen odaqtas Irandy zymyran ushyrǵany úshin jaýapqa tartýǵa shaqyrdy.
– Bul – Iemen emes, bul – Iran. Olar Izraıl memleketine ballıstıkalyq zymyrandardy ushyryp jatyr jáne Iran tarapy jaýapqa tartylýy kerek, - dep jazdy burynǵy qorǵanys mınıstri.
Surveillance camera footage shows the moment of the Houthi missile impact at Ben Gurion Airport.
— Emanuel (Mannie) Fabian (@manniefabian) May 4, 2025
The missile struck a grove adjacent to an access road, within the airport's perimeter. pic.twitter.com/AUyQwKrEOy
Buǵan deıin Iran porttaǵy jarylysqa zymyran otynynyń qatysy bolýy múmkin degen boljamdy joqqa shyǵardy.