Hýsıtter Saýd Arabııasynyń munaı nysandaryna soqqy jasady
ASTANA. KAZINFORM — Iemendegi «Ansar Alla» (hýsıtter) qozǵalysy Qyzyl teńiz jaǵalaýyndaǵy Saýd Arabııasynyń strategııalyq mańyzy bar eki munaı nysanyna zymyrandar men ushqyshsyz ushý apparattary arqyly soqqy jasady, dep habarlaıdy Al Jazeera.
Bul mundaı sıpattaǵy alǵashqy shabýyl emes. Úsh kún buryn hýsıtter Qyzyl teńizde Saýd Arabııasyna tıesili eki munaı tankerine zymyrandar men drondardyń kómegimen shabýyl jasaǵan bolatyn.
بيان القوات المسلحة اليمنية بشأن تنفيذ عمليتين عسكريتين نوعيتين استهدفتا أهدافا حساسة لمنشآت تتبع شركة أرامكو في جيزان وينبع، وذلك بعشرات الصواريخ الباليستية والمجنحة والطائرات المسيرة وحققتا أهدافهما بنجاح بفضل الله. pic.twitter.com/isAm4tZyf7
— العميد يحيى سريع (@Yahya_Saree) July 25, 2026
Buǵan deıin Saýd Arabııasy bastaǵan koalıtsııa Iemenniń Hodeıda provıntsııasyndaǵy «Ansar Alla» qozǵalysynyń áskerı nysandaryna soqqy jasaǵan edi.
Operatsııanyń maqsaty Qyzyl teńizdegi kommertsııalyq keme qatynasyna qaýip tóndiredi dep eseptelgen nysandardy joıý bolǵan.
Juma kúni birqatar halyqaralyq uıym Qyzyl teńizde, Ormýz buǵazynda jáne oǵan irgeles aýdandardaǵy ahýaldyń kúrt nasharlap bara jatqany jóninde eskertý jasady.
11 shildeden beri Iran AQSh-tyń túngi áýe shabýyldarynyń 13 tolqynyna ushyrady. Bul shabýyl Islam revolıýtsııasy saqshylar korpýsynyń (KSIR) Ormýz buǵazy arqyly ótken tankerlerge jasaǵan shabýyldarynan keıin bastalǵan.
Aıta ketelik Hýsıtter Saýd Arabııasyna teńiz blokadasyn jarııalady.
