Hýsıtter Saýd Arabııasynyń áýejaılaryna taǵy da shabýyldar jasaıtynyn eskertti
ASTANA. KAZINFORM — Iemendegi hýsıtter Saýd Arabııasymen aradaǵy qaqtyǵystyń ýshyǵýyna baılanysty áýe kompanııalary men jolaýshylarǵa taǵy da eskertý jasady. Bul týraly Kazinform agenttiginiń menshikti tilshisi habarlady.
11 qazanda, jeksenbi kúni, Iemendegi hýsıtter qozǵalysy áýe kompanııalaryn, jolaýshylardy jáne áýejaı qyzmetkerlerin Saýd Arabııasynyń áýejaılary men áýe keńistigin paıdalanýdan bas tartýǵa úndedi.
Bul eskertý Er-Rııadtaǵy Korol Halıd atyndaǵy halyqaralyq áýejaıǵa jasalǵan shabýyldan bir kún ótken soń jasaldy. Shabýyl saldarynan 12 adam qaza taýyp, 300-den astam adam jaraqat alǵan.
Hýsıtterdiń áskerı ókili ıAhıa Sarı Saýd Arabııasynyń áýejaılary men áýe keńistigi qozǵalys tobynyń áskerı operatsııalary júrgiziletin aımaq bolyp qala beretinin málimdedi. Onyń aıtýyna qaraǵanda, bul eskertý Mekke men Mádına qalalaryndaǵy áýejaılarǵa qatysty emes.
— Biz barshańyzdy eskertýlerimizge baıyppen qaraýǵa úndeımiz. Zymyrandardy ustap qalý áreketi sátsiz aıaqtalsa, onyń saldaryna Saýd Arabııasy jaýap beredi, — delingen X áleýmettik jelisinde jarııalanǵan málimdemede.
القوات المسلحة اليمنية تجدد تحذيرها لكل الشركات الملاحية الجوية والخبراء والموظفين والعاملين والمسافرين من استخدام المطارات والأجواء السعودية لأنها معرضة للاستهداف ومسرحا للعمليات من قبل قواتنا باستثناء مطاري مكة المكرمة والمدينة المنورة. وتهيب بالجميع لأخذ تحذيراتنا على محمل الجد وتتحمل السعودية مسؤولية أي اعتراضات فاشلة. وتؤكد القوات المسلحة أنها ماضية في تثبيت المعادلات المعلنة معادلة المطار بالمطار والحصار بالحصار والتصعيد بالتصعيد حتى تحقيق أهدافها.
— العميد/ يحيى سريع (@Yah_Saree) October 11, 2026
Sarı top kózdegen maqsatyna jetkenge deıin qarsy taraptyń áreketterine dál sondaı jaýap beretinin aıtyp, «áýejaıǵa — áýejaımen, qorshaýǵa — qorshaýmen, shıeleniske — shıelenispen» degen ustanymdy jalǵastyratynyn málimdedi.
10 qazandaǵy shabýyldan qaza tapqandardyń arasynda Saýd Arabııasynyń tórt azamaty, Bangladeshtiń eki azamaty jáne AQSh, Iordanııa, Palestına, Sırııa, Sýdan men Mysyrdyń bir-bir azamaty bar. Saýd Arabııasy bıliginiń málimetinshe, bul — bir apta ishinde Er-Rııad áýejaıyna jasalǵan úshinshi shabýyl.
A third attack this week on King Khalid International Airport in Saudi Arabia’s capital has injured several people, according to the country’s Civil Aviation Authority. Video showed damage inside the building. https://t.co/9FMzfEpqck
— Al Jazeera English (@AJEnglish) October 10, 2026
BAQ-tyń habarlaýynsha, bul shabýyl Saýd Arabııasynda keıingi on jyldan astam ýaqyt ishindegi osyndaı sıpattaǵy eń kóp adam qaza tapqan oqıǵa bolǵan.
Saýd Arabııasynyń Azamattyq avıatsııa bas basqarmasy keltirilgen shyǵyndy baǵalaý jáne qaýipsizdikti tekserý aıaqtalǵanǵa deıin áýejaı jumysy ýaqytsha toqtatylǵanyn habarlady. Áýe qatynasynyń qashan qaıta jandanatyny ázirshe aıtylǵan joq.
Hýsıtterge qarasty Iemenniń syrtqy ister vedomstvosy Saýd Arabııasy Iemenge áskerı aralasýyn toqtatpasa, budan da qatań jaýap beriletinin málimdedi.
— Eger Saýd Arabııasy Iemenge qarsy agressııasy men aralasýyn toqtatpasa, alda budan da aýyr jaǵdaılar bolýy múmkin, — delingen Iemenniń Al Masirah telearnasy taratqan málimdemede.
Keıingi aptalarda Saýd Arabııasy hýsıtterge qarsy soqqylaryn kúsheıtip, Iemenniń halyqaralyq deńgeıde moıyndalǵan úkimetiniń qarsy shabýylyn qoldady.
Áskerı operatsııa qyrkúıek aıynda hýsıtter Qyzyl teńiz jaǵalaýyndaǵy strategııalyq aýmaqtardy basyp alǵannan keıin bastalǵan. 10 qazanda AQSh prezıdenti Donald Tramp Vashıngtonnyń hýsıtterge qarsy Saýd Arabııasy júrgizip jatqan soqqylarǵa qosylý múmkindigin qarastyryp jatqanyn málimdedi.
Er-Rııad bastaǵan koalıtsııa 10 qazanda Dammamdaǵy Korol Fahd atyndaǵy halyqaralyq áýejaı mańyna snarıad qulaǵanyn, al kelesi kúni Shyǵys provıntsııasynda ushqyshsyz ushý apparatynyń ustalǵanyn habarlady.
Buǵan deıingi shabýyl 9 qazanda jasalǵan. Saýd Arabııasynyń Azamattyq avıatsııa basqarmasynyń málimetinshe, sol kezde hýsıtterdiń soqqysy saldarynan úsh adam, onyń ishinde jolaýshylar ushaǵynyń ushqyshy qaza tapqan.
Odan buryn Er-Rııad pen Abha áýejaılaryna jasalǵan shabýyldardan taǵy úsh adam kóz jumǵan.
Buǵan deıin hýsıtterdiń Er-Rııad áýejaıyna jasaǵan shabýylynan keıin Qazaqstan Syrtqy ister mınıstrligi zardap shekkender arasynda qazaqstandyqtardyń bar-joǵyn tekserip jatqany habarlanǵanbyz. Aldyn ala málimet boıynsha, qaza tapqandar men jaralanǵandardyń arasynda Qazaqstan azamattary joq.
