Hýsıtter Saýd Arabııasyndaǵy munaı nysandaryna ekinshi kún qatarynan soqqy jasaǵanyn málimdedi

ASTANA. KAZINFORM — Hýsıtter Saýd Arabııasyna qarsy áskerı operatsııalaryn jalǵastyryp jatyr. Olar ekinshi kún qatarynan Saudi Aramco munaı kompanııasynyń nysandaryna soqqy jasaǵanyn málimdedi. Bul joly koroldiktiń shyǵysyndaǵy Abkaık qalasynda ornalasqan kásiporyndar shabýyl nysanasyna aınalǵan. Bul týraly Kazinform agenttigi TASS-qa silteme jasap habarlady.

Hýsıtter Saýd Arabııasyndaǵy munaı nysandaryna ekinshi kún qatarynan soqqy jasaǵanyn málimdedi
Foto: Anadolu

Hýsıtterdiń áskerı ókili ıAhıa Sarıanyń aıtýynsha, shabýyl saldarynan munaı nysandarynda órt shyqqan.

— Operatsııa Aramco kompanııasynyń Abkaık qalasyndaǵy nysandaryna baǵyttaldy. Soqqy dál tıdi, sonyń saldarynan nysandarda órt shyqty, — dedi ol.

Sonymen qatar Sarıanyń málimdeýinshe, Er-Rııadtaǵy qarjy ortalyǵyna, Iemenniń ál-Djaýf, Marıb jáne Lahdj provıntsııalaryndaǵy arab koalıtsııasy áskerleriniń pozıtsııalaryna da soqqy jasalǵan.

Alaıda ázirshe zymyrandardyń nysanaǵa tıgeni jáne órt shyqqany týraly aqparat táýelsiz derekkózder arqyly rastalǵan joq.

Eske salaıyq, 8 qarashada Saýd Arabııasy hýsıtter Er-Rııad qalasyna qaraı ushyrǵan eki ballıstıkalyq zymyrandy atyp túsirgenin habarlady. Arab koalıtsııasynyń ókili Týrkı ál-Málıkıdiń aıtýynsha, eki zymyran da áýe shabýylyna qarsy qorǵanys júıeleri arqyly joıylǵan.

Buǵan deıin, 7 qarashada hýsıtter Er-Rııadtaǵy Korol Halıd atyndaǵy halyqaralyq áýejaı men Saudi Aramco munaı nysandaryna soqqy jasaǵanyn málimdegen edi. ıAhıa Sarıanyń sózinshe, ballıstıkalyq jáne qanatty zymyrandar, sondaı-aq ushqyshsyz ushý apparattary qoldanylǵan alty áskerı operatsııa júrgizilgen.