Hýsıtter Saýd Arabııasyndaǵy Er-Rııad áýejaıy men munaı qubyryna shabýyl jasalǵanyn málimdedi

ASTANA. KAZINFORM — Iemendegi hýsıtter Saýd Arabııasynyń Er-Rııad qalasyndaǵy halyqaralyq áýejaı men «Shyǵys – Batys» munaı qubyryna ushqyshsyz ushý apparattary arqyly shabýyl jasaǵanyn málimdedi. Bul týraly Kazinform Anadolu agenttigine silteme jasap habarlaıdy.

 hýsıty raketnye ýdary
Foto: Anadolu

Bul jóninde hýsıtterdiń áskerı ókili ıAhıa Sarıa amerıkalyq X áleýmettik jelisinde málimdedi.

Sarıanyń aıtýynsha, hýsıtter korol Halıd atyndaǵy halyqaralyq áýejaıǵa dron arqyly shabýyl jasaǵan.

Sondaı-aq onyń sózinshe, Er-Rııadtyń shyǵysynda ornalasqan «Shyǵys – Batys» munaı qubyrynyń №3 sorǵy stantsııasyna eki ushqyshsyz apparatpen soqqy berilgen.

Iemende azamattyq soǵys 2014 jyldyń qyrkúıeginen beri jalǵasyp keledi. Sol kezde Iran qoldaıtyn hýsıtter el astanasy Sana qalasy men birqatar provıntsııany baqylaýyna alǵan bolatyn.

2015 jyldyń naýryzynan bastap Saýd Arabııasy bastaǵan arab koalıtsııasy Iemenniń halyqaralyq deńgeıde moıyndalǵan úkimetine qoldaý kórsetip keledi.

Sońǵy ýaqytta Iemendegi úkimet kúshteri men hýsıtter arasyndaǵy qaqtyǵystar jıilegen.

Eske salaıyq, Saýd Arabııasy bastaǵan arab koalıtsııasy Iemendegi hýsıtterdiń ballıstıkalyq zymyran shyǵaratyn birneshe nysanyna soqqy bergenin jazǵan bolatynbyz.

Sonymen qatar hýsıtter Saýd Arabııasyndaǵy eki áýejaıǵa shabýyl jasaǵanyn málimdedi.