Hýsıtter Saýd Arabııasy Iemenge 37 ret áýe soqqysyn jasaǵanyn málimdedi
ASTANA. KAZINFORM – Saýd Arabııasynyń áskerı-áýe kúshteri sońǵy táýlikte hýsıtter baqylaýyndaǵy Iemen aýmaǵyna 37 ret áýe soqqysyn jasaǵan. Shabýyldardan beıbit turǵyndar arasynda qaza tapqandar men jaralanǵandar bar, dep habarlaıdy TASS agenttigi.
«Ansar Allah» qozǵalysynyń resmı ókili ıAhıa Sarıa áýe shabýyldary kezinde Hamıs-Mýshaıt qalasynyń mańynda ornalasqan F-15 joıǵysh ushaqtary paıdalanylǵanyn habarlady.
Saýd Arabııasynyń áskerı-áýe kúshteri sońǵy táýlikte Iemenniń «Ansar Allah» (hýsıtter) qozǵalysynyń jasaqtary baqylaýyndaǵy aýmaǵyna 40-qa jýyq áýe shabýylyn jasaǵan. Bul týraly qozǵalystyń resmı ókili ıAhıa Sarıa málimdedi.
– Ótken 24 saǵat ishinde Saýd Arabııasynyń áskerı avıatsııasy Iemen aýmaǵyna 37 áýe soqqysyn jasady, – dedi Sarıa.
Onyń sózin Saba agenttigi taratty. Aıtýynsha, shabýyldarda Hamıs-Mýshaıt qalasynyń mańynda ornalasqan F-15 joıǵysh ushaqtary qoldanylǵan. Sonymen qatar ol Taız jáne Haddja provıntsııalaryndaǵy nysandardyń bombalanǵanyn aıtty.
Sarıanyń málimdeýinshe, Saýd Arabııasynyń shabýyldary saldarynan beıbit turǵyndar arasynda qaza tapqandar men jaralanǵandar bar.
Eske sala ketsek, buǵan deıin Saýd Arabııasy Mekke mańynda hýsıtterdiń dronyn qaǵyp túsirgenin málimdedi. Al Ózbekstan hýsıtterdiń Mekkege baǵyttalǵan shabýylyn aıyptady.
