Hýsıtter Saýd Arabııasy Iemen astanasyna 26 áýe soqqysyn jasaǵanyn málimdedi
ASTANA. KAZINFORM — Saýd Arabııasynyń áskerı ushaqtary Iemen astanasy Sanaǵa 26 ret áýe soqqysyn jasady. Qala qazir «Ańsar Allah» (hýsıtter) qozǵalysynyń baqylaýynda, dep habarlaıdy TASS agenttigi.
Basylymnyń málimetinshe, mundaı málimdemeni hýsıtterdiń baqylaýyndaǵy SABA agenttigi taratqan.
SABA málimetine sáıkes, soqqylar Naqm, Attan, Es-Sabaın jáne En-Nahdaın aýdandaryna jasalǵan. Qaza tapqandar men zardap shekkender, sondaı-aq qıraǵan nysandar týraly aqparat joq.
Buǵan deıin Agence France-Presse agenttigi Iemen astanasynda kúshti jarylystar bolǵanyn habarlaǵan.
Iemende 2014 jyldyń tamyzynan beri hýsıtter men Saýd Arabııasy qoldaıtyn úkimet kúshteri arasynda qarýly qaqtyǵys jalǵasyp keledi. 2026 jylǵy tamyzdyń basynda «Ańsar Allah» qozǵalysy eldiń ońtústik-batysyndaǵy shabýyldaryn kúsheıtken. Al 10–11 qyrkúıekte olar Iemenniń batysyndaǵy Moha portty qalasy men Bab-el-Mandeb buǵazyna shyǵatyn aýmaqtardy baqylaýyna alǵan. Sońǵy aptalarda úkimet kúshteri buǵaz mańynda qarsy shabýyldar jasap jatyr.
Buǵan deıin Saýd Arabııasy hýsıttermen qaqtyǵys ýshyqqan tusta áskerı daıyndyǵyn kúsheıtkenin jazǵanbyz.
