Hýsıtter Izraılge balıstıkalyq zymyrandar men drondar jiberdi
ASTANA. KAZNFORM – Iemendik «Ansarýllah» qozǵalysynyń baskóterýshileri gıperdybysty ballıstıkalyq zymyran men ushqyshsyz ushatyn apparattardy qoldana otyryp, Izraıldyń úsh qalasyna shabýyl jasaǵandaryn málimdedi, dep habarlaıdy Anadoly.
Qozǵalystyń áskerı ókili ıAhıa Sarı shabýyldyń búge-shigesine deıin jazbasha joldaǵan málimdemesinde aıtqan.
Onyń sózinshe, soqqylar Izraıldiń Gazadaǵy genotsıdine jáne Iemenge jasaǵan shabýylyna berilgen jaýap boldy.
Sarı ıAffy (Tel-Avıv) aýdanyna jasalǵan soqqynyń «Palestına-2» gıperdybysty ballıstıkalyq zymyrannyń kómegimen sátti júzege asyrylǵanyn aıtty.
Onyń sózine qaraǵanda, osy soqqynyń saldarynan mıllıondaǵan Izraıl turǵyny qaýipsiz jer izdeýge májbúr boldy. Al Tel-Avıvtegi Ben-Gýrıon áýejaıyn qosa alǵanda Izraıldiń áýe keńistigi ýaqytsha jabyldy.
Áskerı ókil Izraıldiń ońtústiginde ornalasqan Eılat pen Beer-Sheva qalalaryna úsh ushqyshsyz ushatyn apparatpen soqqy jasalǵanyn jektizdi.
Onyń aıtýynsha, Eılat Iemen qarýly kúshteriniń nazarynda qala beredi. Ol aımaqtaǵy jaǵdaı Izraıldiń tek Palestınaǵa ǵana emes, ózge elder men halyqtarǵa da qaýip tóndiretinin kórsetip otyrǵanyn aıtyp, osy qaýipke qarsy áreket etý úshin barlyǵy jaýapkershilik alýy tıis ekenin málimdedi.
Keshkisin Iemennen ushyrylǵan drondardyń biri Eılattaǵy qonaqúıge soǵyldy. Aldyn ala málimet boıynsha, qaza tapqandar men zardap shekkender joq.
Izraıl armııasy taǵy bir dronnyń áýe shabýylyna qarsy qorǵanys júıeleri arqyly atyp túsirilgenin habarlady. Sondaı-aq ushqyshsyz ushatyn apparattan soń Iemennen Eılattaǵy qonaqúıge jiberilgen ballıstıkalyq zymyran da qaǵyp túsirilgeni aıtyldy.
Izraıl BAQ-tarynyń aqparatyna sáıkes, zymyran shabýyly saldarynan Tel-Avıvtegi Ben-Gýrıon áýejaıy ýaqytsha ushyp-qonýǵa jabyldy.
Osyǵan deıin Izraıl Gaza qalasyna shabýylyn jalǵastyryp, mert bolǵandar 65 myńnan asqany týraly jazdyq.