Hýsıtter Eýropa men Azııany baılanystyratyn sýasty ınternet symdaryn zaqymdady
ASTANA. KAZINFORM – Hýsıtterdiń «Ansar Allah» qozǵalysynyń Qyzyl teńizdegi kezekti shabýyly saldarynan Eýropa men Azııa arasyndaǵy ınternet baılanysyn qamtamasyz etetin tórt sýasty baılanys kabeli zaqymdandy, dep habarlaıdy Globes.
AAE-1, Seacom, EIG jáne TGN kabelderiniń zaqymdanýy Eýropa men Azııa arasyndaǵy ınternet baılanysyn úzdi, biraq negizgi shyǵynǵa Parsy shyǵanaǵy elderi men Úndistan ushyrady.
Sarapshylardyń baǵalaýynsha, zaqymdy qalpyna keltirýge segiz apta ýaqyt ketýi múmkin. Azııa, Afrıka jáne Eýropany baılanystyratyn basqa kabelder bir aýmaq arqyly ótip, zaqymdanbaǵandyqtan, kóptegen sarapshylar zaqymdanýdy mańyzdy dep sanamaıdy.
Eske sala ketsek, qańtar aıynda AQSh pen Ulybrıtanııanyń ushaqtary men áskerı kemeleri Irannyń qoldaýymen Qyzyl teńizdegi saýda kemelerine shabýyl jasaǵan Iemendegi kóterilisshi hýsıtter tobyna soqqy bere bastady.
19 aqpanda Eýropalyq Odaq Qyzyl teńizdegi kemelerdi qorǵaý úshin Qyzyl teńizde Aspides operatsııasyn bastady.
Hýsıtterdiń kim ekeni jáne olar Izraılge bet alǵan kemelerge nelikten shabýyl jasaıtyny týraly buǵan deıin jazǵan bolatynbyz.
