Hýsıtter AQSh-tyń Harry Truman ushaq tasyǵysh kemesine soqqy jasady
ASTANA. KAZINFORM – Iemendik «Ansar Allah» qozǵalysy AQSh-tyń Iemen terrıtorııasyn atqylaýyna jaýap retinde Harry Truman ushaq tasyǵysh kemesine birqatar soqqy berdi. Bul týraly kóterilisshiler jasaqtaǵan qarýly kúshterdiń ókili ıAhıa Sarıa málimdedi, dep jazady TASS.
– Qarýly kúshter AQSh-tyń agressııasy men beıbit turǵyndardy qyryp-joıýyna jaýap retinde “Harry Truman” áýe tasymaldaýshy kemesine jáne ony alyp júrgen áskerı kemelerge birlesken áskerı-teńiz kúshteri, áskerı-áýe kúshteri jáne zymyran kúshteriniń operatsııasy aıasynda shabýyl jasaldy, – dedi Sarıa hýsıtterge tıesili Al Masirah telearnasynyń efırinde.
2023 jyly Gaza sektoryndaǵy jaǵdaı shıeleniskennen keıin, hýsıtter Izraıl aýmaǵyna shabýyl jasaıtynyn jáne Izraılmen baılanysy bar kemelerdiń Qyzyl teńiz ben Bab-el-Mandeb buǵazynan ótýine jol bermeıtinin málimdegen edi.
2025 jyl 15 naýryzda AQSh prezıdenti Donald Tramptyń buıryǵymen AQSh qarýly kúshteri Iemendegi hýsıtterdiń baqylaýyndaǵy nysandarǵa jappaı áýe soqqylaryn bastady. AQSh Ortalyq qolbasshylyǵy bul operatsııanyń maqsaty — amerıkalyq múddelerdi qorǵaý jáne Qyzyl teńizdegi kemelerdiń qaýipsiz ótýin qamtamasyz etý ekenin túsindirdi.
Aıta keteıik, buǵan deıin AQSh-tyń Iemenge jasaǵan soqqysynan 68 adam qaza tapqanyn jazdyq.
AQSh áskerı kúshteri sońǵy bir apta ishinde Iemen aýmaǵyna kem degende 260 áýe soqqysyn jasady.