Hýsıtter Aden shyǵanaǵynda amerıkalyq kemege zymyranmen shabýyl jasaǵanyn málimdedi
ASTANA. KAZINFORM – Iemendik hýsıtter Aden shyǵanaǵynda amerıkalyq Chem Ranger kemesine zymyranmen shabýyl jasady. Bul týraly «Ansar Allah» kóterilisshiler qozǵalysynyń áskerı ókili ıAhıa Sarııa málimdedi, dep habarlaıdy TASS aqparat agenttigi.
«Iemen áskerı-teńiz kúshteri Aden shyǵanaǵynda amerıkalyq Chem Ranger kemesine birneshe zymyranmen shabýyl jasaǵan operatsııany ótkizdi», - dedi Sarııa hýsıtterge tıesili Al Masirah efırinde.
Qozǵalys ókiliniń sendirýinshe, hýsıtter kemege tikeleı soqqyny tirkedi. Ol sondaı-aq bul shabýyldyń AQSh pen Ulybrıtanııanyń Iemen aýmaǵyndaǵy «Ansar Allah» nysandaryna jasaǵan soqqylaryna jaýap bolǵanyn qosyp ótti.
Buǵan deıin Ulybrıtanııa Áskerı-teńiz kúshteriniń teńiz saýdasyn úılestirý ortalyǵy (UKMTO) beısenbi kúni Iemen jaǵalaýyna jaqyn jerde bolǵan eki oqıǵa týraly habarlady. UKMTO málimetinshe, birinshi oqıǵa Esh-Shıhr qalasynan ońtústik-shyǵysqa qaraı 85 teńiz mıl jerde bolǵan. Teńiz qaýipsizdigin qamtamasyz etetin brıtandyq Ambrey kompanııasynyń málimetinshe, Marshall araldary jalaýymen júzip júrgen amerıkandyq tankerge El-Mýkalla qalasynan ońtústik-shyǵysqa qaraı shamamen 87 mıl jerde tórt ushqyshsyz basqarylatyn ushaq jaqyndaǵan. UKMTO tirkegen taǵy bir oqıǵa Aden portynan ońtústik-shyǵysqa qaraı 115 teńiz mılinde oryn aldy. Birinshi jaǵdaıdaǵydaı, Ambrey Marshall araldarynyń jalaýymen júzip kele jatqan tankerge ushqyshsyz ushaqtardyń jaqyndaǵanyn habarlady. Ambrey málimetinshe, oqıǵa Adennen ońtústik-shyǵysqa qaraı 103 mıl jerde bolǵan.
MarineTraffic kemelerdi qadaǵalaý qyzmetiniń habarlaýynsha, hımıkattar tasymaldaıtyn Chem Ranger tankeri Marshall araldarynyń týy astynda Jıdda portynan Kýveıtke qaraı júzip keledi. Sońǵy ret keme óziniń ornalasqan jeri týraly derekterdi 16 qańtarda jibergen edi – ol kezde keme Qyzyl teńizdiń ortalyq bóliginde, jóneltý portyna jaqyn jerde bolǵan.
