Iemendik hýsıtter BUU-nyń 20 qyzmetkerin tutqynǵa aldy
ASTANA. KAZINFORM — BUU-nyń 20 qyzmetkeri ıemendik hýsıtterdiń qolyna tústi. Tutqyndar el astanasy Sanadaǵy BUU-nyń taǵy bir nysanyna jasalǵan reıdi kezinde ustaldy, dep habarlaıdy DW.
Iemendegi BUU turaqty úılestirýshisiniń baspasóz hatshysy Jan Alam qyzmetkerlerdiń Sana qalasynyń ońtústik-batys aýdanyndaǵy uıym mekemesiniń aýmaǵynda ustalǵanyn habarlady.
— Bir kún buryn hýsıtter Sananyń basqa aýdanyndaǵy BUU mekemesine shabýyl jasady, — dedi Alam.
Baspasóz hatshysynyń aıtýynsha, ustalǵandar arasynda 5 ıemendik jáne 15 sheteldik qyzmetker bar. Sol kúni jaýap alýdan keıin kóterilisshiler BUU-nyń 11 qyzmetkerin bosatqan. Qalǵan tutqyndar týraly málimet joq.
Jan Alamnyń aıtýynsha, BUU osy qıyn jaǵdaıdy múmkindiginshe tezirek sheshý, barlyq qyzmetkerlerdi tutqyndaýdy toqtatý jáne Sanadaǵy nysandaryn tolyq baqylaýdy qalpyna keltirý úshin hýsıttermen jáne basqa taraptarmen baılanys ornatqan.
Mekemelerden qural-jabdyqtar, telefondar tárkilendi
BUU-nyń taǵy bir qyzmetkeri búlikshiler mekemedegi telefon, server, kompıýter jáne basqa da barlyq baılanys quraldaryn tárkilegenin aıtty.
Ustalǵandar BUU-nyń Dúnıejúzilik azyq-túlik baǵdarlamasy, Balalar qory (ıÝNISEF) jáne gýmanıtarlyq máselelerdi úılestirý keńsesiniń qyzmetkerleri.
Hýsıtter BUU-ǵa shabýylyn kúsheıtti
Associated Press agenttiginiń habarlaýynsha, ıemendik hýsıtter 2025 jyldyń basynan beri óz baqylaýyndaǵy aýdandarynda, sonyń ishinde Sanada, jaǵalaýdaǵy Hodeıda qalasynda jáne eldiń soltústigindegi Sadaa provıntsııasyndaǵy toptyń bekinisinde jumys isteıtin BUU men basqa da halyqaralyq uıymdarǵa qarsy naýqandy bastady.
Hýsıtter birneshe ret dálelsiz ustalǵan BUU qyzmetkerleri, basqa halyqaralyq uıymdarmen jáne sheteldik elshiliktermen jumys isteıtin tulǵalardy tyńshylar dep málimdedi. Birikken Ulttar Uıymy bul aıyptaýlardy úzildi-kesildi joqqa shyǵardy.
«Ansar Allah» qarýly búlikshiler tobynyń músheleri bolyp tabylatyn hýsıtter qazir Iemenniń basym bóligin, onyń ishinde astanasy Sana qalasyn, sondaı-aq eldiń soltústik jáne batys bólikterin baqylaýda ustap otyr.
Byltyr Iemen hýsıtteri Izraıldiń munaı qoımasy men portyna jasaǵan soqqysyna jaýap retinde Eılatqa oq jaýdyrdy.