Hýrgadada jolaýshylar avtobýsy aýdarylyp, 11 adam qaza boldy
ASTANA. QazAqparat - Hýrgada kýrortty qalasynda aınalma jolda jolaýshylar avtobýsy aýdaryldy. TASS-tyń "Al-ıAým as- Sabıa" basylymyna silteme jasap habarlaýynsha, jol-kólik oqıǵasynda 11 adam qaza boldy jáne sonsha adam zardap shekti.
Apattyń sebebi ázirge belgisiz. Aldyn ala málimetter boıynsha, qaza bolǵandardyń barlyǵy da jergilikti turǵyndar.
Jyl saıyn Egıpettiń joldarynda resmı málimetter boıynsha 8 myńǵa jýyq adam kóz jumady. Shaǵyn avtobýstar, taksı jáne úlken júk mashınalary jol boıyndaǵy oqıǵalarǵa negizgi sebepker bolyp otyr. Olardyń júrgizýshileri jol erejelerin óreskel buzady.
