HumanRights Watch-tyń V.Kozlovqa qatysty úkimdi «pikir aıtý erkindigine berilgen soqqy» degen málimdemesimen kelispeımin - E. Ertisbaev

Qazaqstan Respýblıkasy Prezıdentiniń keńesshisi Ermuhamet Ertisbaev bul pikirin Strasbýrgte ótken Búkilálemdik demokratııa úshin forýmynda buqaralyq aqparat quraldaryna bergen suhbatynda bildirdi.

«Kozlovtyń ózi men basqa da oppozıtsıonerler uzaq jyldar boıy Prezıdent jóninde de, Qazaqstannyń saıası júıe­si jóninde de udaıy óz pikirlerin bildirip, qatqyl da jaǵymsyz baǵa berýmen bol­dy. Sol kezderi eshkim de olardy qýdalaǵan joq, óıtkeni, bizdegi Konstıtýtsııanyń 20-ba­by sóz ben shyǵarmashylyq erkindigine kepildik beredi. Biraq sóıleý men synǵa alý - bir bólek te, memlekettik bılik organdaryna shabýyl jasaý, ákimdik ǵımaratyn órteý, qo­rytyndy nátıjesi kóptegen qurbandyqtarǵa alyp ba­ra­tyn jappaı tártipsizdikke shaqyrý - bir bó­lek. Olar, sonymen birge, Konstı­týtsııa­nyń áleýmettik alaýyzdyqty qozdy­rý­ǵa tyıym salatyn 5-babynyń talaptaryn óres­kel buzdy. Bul barlyǵy anyq kórsetil­gen naqty qylmystyq bap. Sondyqtan, me­niń kóz­qa­ra­sym­sha, HumanRights Watch-tyń málimdemesi barynsha birjaqty bolyp shyq­qan. Al AQSh elshiliginiń málimdemesine kel­sek, onda bul úkim oppozıtsııanyń bas kótermeýin kózdeıdi degenge saıatyn oı bar. Al Qazaqstandaǵy oppozıtsııa burynnan kópshilikke keńinen ta­ny­mal. Oqıǵalar kezinde Bolat Ábilov pen Ámir­jan Qosanov sııaqty kóptegen oppozıtsıonerler Jańa­ózen­ge kelip, dál sondaı úgit pen nasıhat jumystaryn júrgizdi. Biraq olar Kons­tıtý­tsııa­nyń, qabyldanǵan zańdardyń sheńberin qatań saqtady. Olar jurtty dúrbeleńge sha­qyrǵan joq. Sondyqtan, olardy eshkim qýda­la­maıdy. Bas prokýratýranyń olar­ǵa qoıa­tyn kináci de joq. Bul jerde áń­gime osy shıelenistiń búlinshiligin eger tú­gel­deı memlekettik bılik bolmasa da, jergilikti bılikti qulatýdy kózdegen, qylmystyq maq­sat­ta qu­rylǵan uıymnyń jasyryn bet-beı­nesi tý­ra­ly bolyp otyr. Munda memlekettik qyl­mys­ker Áblázovtiń jergilikti memlekettik bılik organdaryn basyp alýǵa shaqyrǵan urandary boldy. Úlken ókinishke oraı, Kozlov myrza, mine osyǵan naqtyly qolyn soz­ǵan. Men dál qazir sottyń bul jónindegi sheshimine túsindirme bergim kelmeıdi. Bizdegi sot - bıliktiń táýelsiz butaǵy, olar son­dyq­tan da osyndaı sheshim qabyldady», dep málim etti ol.

                                                                                                                              «Egemen Qazaqstan» gazeti.