Hýdjantty aınalyp júrgen ushaq jerge qondy
ASTANA. QazAqparat - Arnaıy Flightradar portalynyń málimetterinshe, osy ýaqytta Tarazdan Máskeýge ushyp shyqqan ushaq Hýdjant áýejaıyna sátti qondy, dep jazady TASS.
Aıta keteıik, shtattan tys jaǵdaı tájikstandyq Tajik Air áýe kompanııasynyń TJK645 reısimen Hýdjant - Taraz - Máskeý baǵytymen ushyp bara jatqan ushaqta bolǵan edi. Buny arnaıy mamandandyrylǵan Airlive portalynyń málimetteri de rastady.
Osy oqıǵaǵa qatysty málimetterde laınerdiń Tarazdan ushyp shyqqan soń baǵytyn ózgertip, Hýdjantqa oralyp, qonardyń aldynda áýede aınalyp júrgendigi aıtylady.
Osyǵan deıin Domodedovo áýejaıynyń onlaın-tablosyndaǵy aqparattarda ushaqtyń Máskeýge saǵat 21:25-da qonýy qajettigi, alaıda onyń bógelip jatqandyǵy aıtylǵan bolatyn. Máskeý áýejaıyna ushaq saǵat 02-59-da jetýi tıis.
