Huawei jáne Astana Innovations Qazaqstannyń tsıfrlyq transformatsııasynyń jańa kezeńin bastaıdy
ASTANA. KAZINFORM - 2025 jylǵy 16 maýsymda Astana qalasynda «Ortalyq Azııa – Qytaı» ekinshi ındýstrııalyq-ınvestıtsııalyq yntymaqtastyq forýmy ótti.
Forým aıasynda Huawei Technologies Kazakhstan jáne «Astana Innovations» AQ ózara túsinistik týraly mańyzdy memorandýmǵa qol qoıdy. Bul qujat Qazaqstanda tsıfrlyq tehnologııalar men telekommýnıkatsııalyq ınfraqurylymdy damytý salasyndaǵy yntymaqtastyqtyń jańa kezeńin ashady.
Bul strategııalyq qadam Astanada Huawei kompanııasynyń 10G keń jolaqty jelisin demonstratsııalyq testileý boıynsha pılottyq jobany júzege asyrýdy qamtıdy. Bul sheshim baılanys sapasyn, tsıfrlyq arnalardyń turaqtylyǵyn jáne smart city sheshimderin odan ári damytýǵa baǵyttalǵan jańa býynnyń joǵary jyldamdyqty qyzmetterin engizýdiń tehnologııalyq negizi bolady.
Joba Astana qalasy ákimdiginiń tsıfrlandyrý jáne memlekettik qyzmetter basqarmasynyń qoldaýymen júzege asyrylady. Basqarma qala ortasyna ınnovatsııalyq tehnologııalardy engizýdi qadaǵalaıdy jáne memlekettik sektor men tehnologııalyq seriktester arasyndaǵy baılanystyrýshy ról atqarady.
«Biz Astana Innovations kompanııasymen birlesip Qazaqstannyń tsıfrlyq ınfraqurylymyna ozyq sheshimderdi engizip jatqanymyzǵa qýanyshtymyz. Bul joba – aqyldy jáne ınnovatsııalyq qalalardy qurý jolyndaǵy mańyzdy qadam. Ol Qazaqstanǵa halyqaralyq arenada básekelik artyqshylyq beredi», – dedi Huawei Technologies Kazakhstan bas dırektory Sýn ıAsıýı.
«Huawei kompanııasymen yntymaqtastyǵymyz Qazaqstannyń tsıfrlyq bolashaǵy úshin jańa múmkindikter ashady. Bul joba elimizdiń ınnovatsııalyq tehnologııalary men telekommýnıkatsııalyq ınfraqurylymynyń damýyna mańyzdy úles qosady dep senemiz», – dedi «Astana Innovations» AQ basqarma tóraǵasy Ǵızat Ámirǵalı.
Memorandým ınnovatsııalyq tehnologııalar men telekommýnıkatsııalyq júıelerdiń turaqty damýy úshin jańa múmkindikter ashatyn Qazaqstandy tsıfrlandyrýdyń negizgi elementine aınalady.