Huawei kompanııasynyń ókili Ortalyq Azııa naryǵyna arnalǵan bultty júıeniń qundylyǵy týraly aıtty
Huawei Cloud platformasy ınternet-kompanııalar men uıymdardy tsıfrlandyrýda mańyzdy ról atqarady. Mekemeler Huawei Cloud-pen kúsh biriktirip, tsıfrlyq tehnologııany engizýdi jedeldetip jáne jeńildetip jatyr. Huawei Cloud-tyń Taıaý Shyǵys pen Ortalyq Azııa aımaǵyndaǵy konsaltıng jáne sheshim qabyldaý boıynsha vıtse-prezıdenti Roı Lýo «QazAqparat» tilshisine kompanııa Taıaý Shyǵys pen Orta Azııa elderiniń naryǵyna qandaı erekshe úles qosa alatyny, «bárin qyzmet retinde paıdalaný» kontseptsııasy týraly, bultty platformalar men Huawei-diń kompanııalarǵa ǵana emes, óńir úkimetine de usynatyn sheshimderi týraly áńgimelep berdi.
Huawei ókili Roı Lýo Qytaı men Orta Azııa elderi túrli salada tyǵyz seriktestik ornatqanyn jáne ol ári qaraı damı beretinin málimdedi. Onyń sózinshe, búgingi kúni Huawei aldyńǵy qatarly aqparattyq-kommýnıkatsııalyq tehnologııalarǵa ıe jáne osy salada onyń múmkindigi mol.
Taıaý Shyǵys pen Ortalyq Azııa naryǵyna arnalǵan Huawei bultty servısiniń qundylyǵy
Roı Lýonyń aıtýynsha, Taıaý Shyǵys pen Orta Azııa elderi shapshań damyp jatyr.
«Huawei qundylyǵy men kompanııanyń bul naryqtarǵa ne engize alatynyn bizdiń bultty tehnologııalar men telekommýnıkatsııalyq tehnologııalar salasyndaǵy tájirıbemiz anyqtaıdy. Bultty tehnologııalar men jasandy ıntellekt salasynda bizdiń 10 jyldan astam tájirıbemiz bar. Bul eki tehnologııa kompanııalarymyzǵa ózgerýge, naryq jaǵdaıynda qorshaǵan ortanyń ózgeristerine beıimdelýge jáne kásibińdi tıimdi ári tabysty etýge kómektesedi.
Sizdiń damý deńgeıińizge qaramastan, bul tehnologııanyń sizge kóp kómegi tıedi. Sebebi eger siz tabysty kompanııa bolsańyz, kirisińiz odan da arta túsedi. Bul sizdiń aýqymdy ekenińizdi bildirip tur, al bıznesińiz iri bolsa, aýqymyn birtindep keńeıtý ońaı emes. Ol, ásirese, bıznesińizdiń tıimdiligin arttyrýǵa da qatysty. Sol sebepti bizdiń tehnologııamyz damyǵan kompanııalardyń túbegeıli ózgerýine, tıimdiligin arttyrýyna kómektesedi», - dep atap ótti Roı Lýo.
Sondaı-aq spıker Huawei Ortalyq Azııa kompanııalaryna tezirek ósip, naryqta úlken úleske ıe bolý, kóbirek klıent tartyp, tabysty arttyrý múmkindigin usynatynyn aıtty. Onyń sózinshe, kompanııanyń tsıfrlyq tehnologııalary memlekettik sektordyń da ózgerýine yqpal etedi.
«Úkimetke de jańa zaman talaptaryna saı bolyp, azamattardyń ómirin qaýipsiz etý úshin damý, jańa tsıfrlyq qyzmetterdi, elektrondy úkimet tehnologııalaryn engizý mańyzdy. Adamdar qolaıly ári sapaly qyzmetti kútedi. Osy úrdisti eskere otyryp, bizdiń kompanııa seriktestermen birlesip, memlekettik sektorǵa qatysty sheshim tapty. Úkimettik uıymdar jumysynyń tıimdiligin jáne turǵyndarǵa qyzmet kórsetý sapasyn arttyrý úshin bultty esepteý tehnologııasy, úlken derekter, jasandy ıntellekt negizindegi qyzmetterdi usynady», - dedi ol.
Huawei Cloud: bári qyzmet sekildi
«Bilim salasyn damytýǵa qandaı úles qosatynymyzǵa qatysty aıta ketsek, Huawei «bárin qyzmet retinde paıdalaný» kontseptsııasyn alǵa tartady. Ol negizinen úsh bólikten turady: «ınfraqurylymdy qyzmet retinde paıdalaný», «tehnologııany qyzmet retinde paıdalaný» jáne «saraptamany qyzmet retinde paıdalaný». Bilim berý «saraptamany qyzmet retinde paıdalaný» bólimine enedi. Máselen, sizge qandaı da bir júıeni jedel damytý qajet. Sizde eki nusqa bar: birinshiden, tájirıbeli adam taýyp istetýińizge bolady. Ekinshiden, siz aldyńǵy qatarly bultty platformany qosa alasyz. Ol jerde bul qyzmetterdi eki ret shertip ala alasyz. Qoldanbalardy kúrdeli kóshirý, tsıfrlyq transformatsııa jáne sol sııaqty kúrdeli amaldarǵa biz «tehnologııany qyzmet retinde paıdalaný» jáne «tájirıbeni qyzmet retinde paıdalaný»-dy usynamyz. Onda biz paıdalanýǵa bolatyn daıyn tehnologııalarmen bólisemiz. Sizge ol tehnologııany tereń zertteýdiń qajeti bolmaıdy, alyp, paıdalana beresiz, biz sizge qalaı paıdalaný keregin úıretemiz. «Saraptamany qyzmet retinde paıdalaný» ótpeli konsaltıngke uqsaıdy. Oǵan bizdiń tsıfrlyq transformatsııamyzdyń barlyq kezeńi – ıdeıadan bastap sońyna deıin, júıe qurylǵannan bastap paıdalanýǵa berilgenge deıin, júıeni qoldaýǵa deıingi kezeń kiredi», - dep atap ótti Roı Lýo.
