Huawei kompanııasy qazaqstandyq stýdentterge bilim grantyn bóldi
ASTANA. QazAqparat - Kelesi jyldan bastap qazaqstandyq stýdentter tanymal Huawei kompanııasynyń shtab-páterinde taǵylymdamadan óte alady, dep habarlaıdy QazAqparat tilshisi.
Aıta keteıik, Astanada Huawei uıymdastyrǵan Ortalyq Azııadaǵy Innovatsııa kúni ótip jatyr. Tuńǵysh ret uıymdastyrylǵan bul jıynda 150-den astam ǵalymdar men sarapshylar, tańdaýly mamandar bas qosyp, aqparattyq-kommýnıkatsııalyq tehnologııalardyń damý bolashaǵyn, «Tsıfrlyq Jibek jolyn» qurý bastamasyn talqylaýda.
«Bul biz úshin tarıhı múmkindik. Búgin Astanada aqparattyq-kommýnıkatsııalyq tehnologııalardy qoldaný tásilderin jáne qaýipsiz qala, aqyldy ferma, aqyldy baılanys jáne ózge de jobalardy qurýdaǵy mobıldi ınternettiń áleýetin talqylaý úshin jınaldyq. Aldaǵy 30 jylda Ortalyq Azııa halyqtarynyń ómirine úlken ózgeris engeli tur. Tutas memleketter aqparatqa negizdelip, barlyq salalar tsıfrlyq sıpatqa kóshedi», - dedi Huawei kompanııasynyń vıtse-prezıdenti Lın Jýıtsı Innovatsııa kúniniń ashylý saltanatynda. 
Saltanatty shara barysynda Huawei ókilderi men qazaqstandyq JOO basshylary kompanııanyń «Jas óskin» jahandyq bilim berý jobasyn resmı túrde iske qosty. Bul joba álemniń túkpir-túkpirindegi aqparattyq-kommýnıkatsııalyq tehnologııalar salasynda bilim alatyn stýdentterdiń kásibı biliktilikterin arttyrýǵa, bilim kókjıekterin keńeıtýge baǵyttalǵan.
Sondaı-aq, aqparattyq-kommýnıkatsııalyq tehnologııalar salasyndaǵy Qazaqstannyń jetekshi eki oqý orny - L.N.Gýmılev atyndaǵy Eýrazııa ulttyq ýnıversıteti men IT-ýnıversıtet stýdentterine grant sertıfıkaty tabys etildi. ıAǵnı, 2018 jyly atalǵan oqý oryndarynyń eń úzdik 10 stýdenti iriktelip alynady jáne Huawei-diń Shenchjen qalasyndaǵy shtab-páterinde taǵylymdamaǵa jiberiledi.
Huawei kompanııasy jyl saıyn jalpy tabysynyń 10 paıyzyn ǵylymı zertteý jumystary men bilim berý baǵdarlamalaryna qoldaý retinde jumsaıdy. Sońǵy 10 jylda kompanııa bul maqsatqa 45 mlrd AQSh dollaryn bólgen. JOO stýdentterine arnalǵan Huawei-diń «Jas óskin» baǵdarlamasy 2009 jyly bastaý alǵan. Dál osy baǵdarlama arqyly 9 jylǵa jýyq ýaqyt ishinde álemniń 90 elinen kelgen 20 myńnan astam stýdent kásibı biliktilikterin shyńdaǵan.
