Huawei Qazaqstandaǵy Android paıdalanýshylaryna qyzmet kórsetýdi jalǵastyrady
«Huawei kompanııasy Android-tyń dúnıe júzi boıynsha damýyna úlken eńbek sińirdi. Android-tyń negizgi seriktesteriniń biri retinde biz olardyń ashyq platformasymen tutynýshylarǵa, sondaı-aq, tutas óndiriske qajetti ekojúıeniń damýyna yqpal etpekshimiz. Kompanııa Huawei men Honor planshetteri men smartfondarynyń qaýipsizdik júıesi jáne satylymnan keıingi qyzmet kórsetýlerine arnalǵan jańartýlardy jetkizýdi jalǵastyra beredi», - delingen Huawei Technologies Kazakhstan kompanııasynyń Feısbýktegi resmı paraqshasynda.
Kompanııa Huawei-diń dúnıejúzindegi tutynýshylary úshin qaýipsiz jáne turaqty baǵdarlamalar ázirleýdi jalǵastyra beretinin málimdedi.
Aıta keteıik, Google basshylyǵy AQSh-tyń saýda mınıstrligi qytaılyq kompanııany qara tizimge engizý týraly sheshim qabyldaǵannan keıin Huawei Technologies-pen seriktestikten bas tartqan bolatyn.
Bul óz kezeginde Huawei-diń Android operatsııalyq júıelerine ený múmkindiginen aırylady degendi bildiredi, al smartfondardyń kelesi serııalarynda Google Play Store jáne Gmail qosymshalary bolmaıdy.