Huawei Qazaqstandaǵy 48 JOO-da ICT Competition 2025-2026 Roadshow baǵdarlamasyn bastady
ASTANA. KAZINFORM — Qazaqstanda Huawei ICT Competition 2025-2026 Roadshow keń aýqymdy bilim berý týry bastaldy.
Baǵdarlama eldiń 48 joǵary oqý ornyn qamtyp, myńdaǵan stýdentterge ozyq tehnologııalarmen tikeleı tanysýǵa jáne AKT salasynyń álemdik kóshbasshysynan tájirıbelik bilim alýǵa biregeı múmkindik beredi.
Roadshow aıasynda stýdentter Huawei-diń jahandyq bastamalary men kompanııanyń tsıfrlyq ekonomıkany damytýǵa qosqan úlesi týraly biledi. Sondaı-aq, bultty tehnologııalar, jelilik ınfraqurylym, kıberqaýipsizdik jáne jasandy ıntellekt baǵyttaryndaǵy ınnovatsııalyq sheshimdermen tanysady. Erekshe nazar Huawei ICT Academy baǵdarlamasyna aýdarylyp, ol stýdentterge eksklıýzıvti bilim berý materıaldaryna, halyqaralyq sertıfıkattaýǵa jáne jańa mansaptyq múmkindikterge qol jetkizýge jol ashady.
Roadshow barysynda Huawei ICT Competition 2025-2026 halyqaralyq baıqaýy iske qosylady. Qazaqstan stýdentteri álemniń túkpir-túkpirinen kelgen qurdastarymen qatar qatysyp, jańa bilimge qol jetkizip, halyqaralyq tájirıbe jınap, tsıfrlyq bolashaqtyń esigin ashady.
— Biz Huawei kompanııasynyń Qazaqstandaǵy tsıfrlyq bilim berýdi damytýǵa jáne jas mamandardy daıarlaýǵa qosqan úlesin joǵary baǵalaımyz. ICT Competition Roadshow men ICT Academy sııaqty bastamalar bizdiń stýdentterge aldyńǵy qatarly bilimge, halyqaralyq tájirıbege jáne jańa mansaptyq múmkindikterge qol jetkizýge jol ashady. Qazaqstan jastarynyń osy jobalarǵa qatysýy adamı kapıtaldy nyǵaıtý men eldiń tsıfrlyq transformatsııasyna úles qosýda mańyzdy qadam bolatynyna senimdimin, — dep atap ótti Qazaqstan Respýblıkasynyń Ǵylym jáne joǵary bilim mınıstri Saıasat Nurbek.
Huawei ICT Competition 2025-2026 Roadshow baǵdarlamasyna qatysý — stýdentterge halyqaralyq sarapshylardyń tájirıbesimen jaqyn tanysýǵa, kásibı baılanystar ornatýǵa jáne AKT salasyndaǵy damýdyń ózderine perspektıvaly baǵyttaryn aıqyndaýǵa múmkindik beredi. Kópshiligi úshin bul tabysty kásibı mansapqa alǵashqy qadam ári oqý kezeńinde-aq eńbek naryǵynda básekelik artyqshylyqqa ıe bolý múmkindigi bolady.
— ICT Competition Roadshow — árbir stýdentke búginnen bastap kásibı mansabynyń berik irgetasyn qalaýǵa, halyqaralyq úzdik tájirıbelermen tanysýǵa jáne ózin AKT salasyndaǵy jahandyq qaýymdastyqtyń múshesi retinde sezinýge biregeı múmkindik. Biz dál osy jas mamandar eldiń tsıfrlyq transformatsııasynyń draıverine aınalyp, erteńgi ınnovatsııalardy jasap, Qazaqstannyń qýatty, turaqty jáne tsıfrlyq ekonomıkasyn qurýǵa mańyzdy úles qosatynyna senimdimiz, — dedi Huawei Technologies Kazakhstan kompanııasynyń bas dırektory Sýn ıAsıýı.
Huawei kompanııasy Qazaqstandaǵy AKT-bilim berýdi qoldaýdy dástúrge aınaldyryp, stýdentterge zamanaýı bilim men tehnologııalarǵa keńinen jol ashyp otyr. ICT Academy men ICT Competition baǵdarlamalary arqyly jyl saıyn kóptegen qazaqstandyq jastar jańa bilim alý jáne kásibı damý múmkindikterin ıelenedi. Bul bastamalar tsıfrlyq ekonomıkanyń ornyqty damýyna myqty irgetas qalyptastyryp, eldiń jańǵyrýyna óz úlesin qosatyn jańa mamandardy daıarlaýǵa jaǵdaı jasaıdy.