Huawei GITEX Central Asia and Caucasus 2026 aıasynda ónerkásiptik JI-ınfraqurylym salasyndaǵy kóshbasshylyǵyn nyǵaıtty
ASTANA. KAZINFORM - Huawei kompanııasy 4–5 mamyr kúnderi ótken GITEX Central Asia and Caucasus 2026 kórmesindegi jumysyn qorytyndylady. Strategııalyq demeýshi retinde kompanııa óńirdiń tsıfrlandyrýdan ónerkásiptiń tolyqqandy ıntellektýaldy damýyna kóshýindegi kóshbasshy rólin bekitti.
«Advancing Industrial All Intelligence» taqyryby aıasynda Huawei ınfraqurylym JI-di jedel engizý barysynda negizgi shekteýshi faktorǵa aınalatynyn kórsetti. Integratsııalanǵan ekspozıtsııa arqyly kompanııa kelesi býyndaǵy IKT negizi JI-di naqty ómirde aýqymdy túrde engizýdiń sheshýshi faktory ekenin tanystyrdy.
Huawei ıntellektýaldy esepteýler jáne derekterdi óńdeý ortalyqtaryna arnalǵan tıimdi ári turaqty sheshimder salasyndaǵy jetistikterin usyndy. Olardyń qatarynda SuperPoD arhıtektýrasynyń arqasynda 128-ge deıin JI-stoıkany bir logıkalyq serverge biriktire alatyn, JI-di oqytý men ınferens úshin joǵary ónimdilikti qamtamasyz etetin suıyqtyqpen salqyndatylatyn Atlas 950 sýpernodtary bar. JI-klasterler joǵary turaqtylyqty talap etetindikten, Huawei AIDC sheshimi turaqty esepteý qýatyn qamtamasyz etý úshin kópdeńgeıli joǵary senimdi júıe qalyptastyrady.
Kómirtek beıtaraptyǵy maqsattaryna sáıkes, bul sheshim energııamen jabdyqtaý jáne salqyndatý tizbegin ońtaılandyryp, energııa tıimdiligin aıtarlyqtaı arttyrady. Qazaqstannyń -40°C-qa deıin jetetin tómen temperatýralaryna beıimdelgen aıazǵa tózimdi konstrýktsııasy ıntellektýaldy qyzmet kórsetýmen úılesip, jyl boıy úzdiksiz jumysty qamtamasyz etedi. Modýldik jınaq arhıtektýrasynyń arqasynda jetkizý tsıklderi 30%-ǵa qysqaryp, jyldam engizý men ıkemdi masshtabtaýǵa múmkindik beredi.
Іs-shara barysynda Huawei joǵary ónimdi esepteýlerdi, tómen kidiristi baılanysty jáne energııa turǵysynan tıimdi derekter ınfraqurylymyn naqty salalyq nátıjelermen baılanystyratyn júıeli tásildi de usyndy. Memlekettik basqarý, munaı-gaz salasy, qarjy jáne kólik sektorlarynda kompanııa JI-diń pılottyq jobalardan óndiristik deńgeıge ótýin kórsetetin qoldanbaly keısterdi tanystyrdy. Bul operatsııalardy ońtaılandyrýǵa, júıelerdiń turaqtylyǵyn arttyrýǵa jáne jańa ekonomıkalyq qundylyq qalyptastyrýǵa múmkindik beredi.
Memlekettik qyzmetter salasynda bul JI negizindegi beıneanalıtıka, biriktirilgen basqarý júıeleri jáne sheshim qabyldaý dáldigin arttyrýǵa baǵyttalǵan ıntellektýaldy sot platformalary arqyly júzege asyryldy. Munaı-gaz salasynda Huawei barlaý kezeńinen bastap qubyrlardy monıtorıngileý men ıntellektýaldy óńdeýge deıingi barlyq qun tizbeginde JI men bultty tehnologııalardy qoldanýdy kórsetti.
Qarjy sektorynda talqylaýlar úlken kólemdegi derekterdi naqty ýaqyt rejıminde óńdeı alatyn JI-ge daıyn ınfraqurylymǵa baǵyttaldy. Al kólik salasynda 5G, bult jáne JI ıntegratsııasy qaýipsizdigi men operatsııalyq tıimdiligi joǵary beıimdelgish avtomobıl jáne temirjol júıelerin qurýǵa múmkindik beredi.
— JI týraly pikirtalastar tereńdeı túsken saıyn, negizgi másele tehnologııalardyń qoljetimdiliginde emes, olardy naqty jaǵdaıda turaqty engizýdi qamtamasyz etetin bazalyq ınfraqurylymnyń daıyndyǵynda bolyp otyr. Ortalyq Azııa men Kavkazda uıymdar negizgi operatsııalarǵa ıntellekt engizýge umtylǵandyqtan, joǵary ónimdi esepteýlerge, senimdi jelilerge jáne tıimdi derekter júıelerine suranystyń artqanyn baıqaımyz», — dedi Djekı Chjan, Huawei Ortalyq Azııa aımaǵynyń prezıdenti.
— «GITEX Central Asia and Caucasus 2026 kórmesinde biz "Huawei + Partner" strategııasyna erekshe nazar aýdardyq. Seriktesterdi, jergilikti ekojúıelerdi jáne engizý múmkindikterin damytýǵa ınvestıtsııa sala otyryp, biz klıentterge ınfraqurylymǵa salynǵan ınvestıtsııalardy naqty nátıjege aınaldyrýǵa jáne ıntellektýaldy operatsııalarǵa ótýdi jedeldetýge kómektesemiz-.
Іs-shara barysynda Huawei bes salalyq forým men kóptegen saraptamalyq sessııalar ótkizip, II trendteri men engizý máselelerin talqylaý úshin sala kóshbasshylaryn, seriktester men klıentterdi biriktirdi. Bul alań tereń tehnıkalyq tájirıbe almasýǵa, strategııalyq dıalog júrgizýge, seriktestikterdi talqylaýǵa jáne memorandýmdarǵa qol qoıýǵa múmkindik berdi.
Nátıjesinde Huawei Ortalyq Azııa men Kavkazdaǵy ekojúıelik yntymaqtastyqty uıymdastyrýshy retindegi rólin nyǵaıtty.
Huawei-diń qatysýy keń strategııalyq sıgnal boldy: II negizindegi ósim úshin básekelestik artyqshylyq bazalyq ınfraqurylymnyń qýattylyǵy, tıimdiligi men ıkemdiligine baılanysty anyqtalady. Kompanııa ózin óńirdiń ıntellektýaldy bolashaǵyn qalyptastyrýdaǵy uzaq merzimdi seriktes retinde pozıtsııalaıdy.
