Huawei Apple-dy basyp ozdy
ASTANA. QazAqparat - 2018 jyldyń ekinshi toqsanynda satylǵan smartfondar sany boıynsha Huawei qytaılyq kompanııasy Apple korporatsııasyn basyp ozyp, osy kórsetkish boıynsha álemde ekinshi orynǵa shyqty. Bul týraly International Data Corporation (IDC) sholýynda aıtylǵan, dep habarlaıdy euronews.com.
Samsung korporatsııasy 71,5 mln smartfon satyp, kóp bastap tur. Onyń naryqtaǵy úlesi 20,9% quraıdy.
Apple kompanııasy $53,3 mlrd qarjy tapqanymen, satylǵan smartfondardyń sany boıynsha alǵash ret úshinshi orynǵa syrǵydy.
Qytaılyq kompanııa 54,2 mln qurylǵy satyp, naryqtyń 15,8% alǵan. Osylaısha, satylym sany byltyrǵy kezeńmen salystyrǵanda 40,9% ósken.
Apple osy jyly sáýir-maýsymda 41,3 mln qurylǵy satqan.
Sondaı-aq qytaılyq kompanııa Xiaomi satylymynyń ósimi 48,8% kórsetip, tórtinshi orynǵa jaıǵasty. Bul kompanııa 31,9 mln apparat satqan.
Besinshi orynda tutynýshylarǵa 29,4 mln smartfon ótkizgen Oppo qytaılyq óndirýshisi. Ol naryqtyń 8,6% úlesin ıelendi.
Ekinshi toqsanda 342 mln smartfon satylǵan.
