«Huawei-Almaty» kompanııasy HATÝ stýdentterine 10 bilim grantyn tabystady
ALMATY. 9 tamyz. QazAqparat /Názıra Eleýhan/ - Búgin Almatyda «Huawei-Almaty» kompanııasy ashyq júıeler jáne bultty esepteýler boıynsha ǵylymı-zertteý zerthanasynyń ashylý saltanatynda Halyqaralyq aqparattyq tehnologııalar ýnıversıteti bakalavrıatynyń tehnıkalyq mamandyq boıynsha oqıtyn stýdentterine 10 bilim grantyn tabystady.
"Bilim granttaryn usyný jobalary joǵary bilikti ІT mamandardy oqytý men daıyndaýǵa platforma qurýǵa jáne "bultty esepteýler" salasyndaǵy ǵylymı-zertteý jumystaryn júrgizýge jaǵdaılar jasaýǵa múmkindik beredi degen úmitemiz", - dedi «Huawei-Almaty» kompanııasynyń basshysy Ý Changao shara barysynda.
Kompanııa kózdegen syıaqy qory 110 000 AQSh dollarynan asady. Syıaqy 4 jyl merzimine berilgen. Oqý ornynda erekshe kózge túsken stýdentter 3-kýrstan soń kompanııanyń Qytaıda ornalasqan shtab-páterinde tájirıbeden ótý múmkindigine ıe bolady. Al, oqýdy aıaqtaǵan soń «Huawei-Almaty» kompanııasyna jumysqa turý quqyǵyna ıe bolmaq.
