Hýan Manýel Markes: Golovkınmen kezdesýden bas tartqan Alvares senimnen aıyryldy
ASTANA. QazAqparat - Tórt salmaq dárejesinde álem chempıony bolǵan Hýan Manýel Markestiń pikirinshe, Saýl Alvarestiń Gennadıı Golovkınmen aıqasýdan, ıaǵnı WBC ataǵyn qorǵaýdan bas tartýy onyń abyroı-bedeline aıtarlyqtaı nuqsan keltirdi, dep jazdy Sports.kz.
«Kanelo Alvares óte jaqsy jumys istedi, ol juldyz bolý úshin ter tókti, tanymaldylyǵyn aıtarlyqtaı arttyrdy. Biraq, senimge ıe bolý úshin jumys isteý - bólek áńgime, sebebi ol kezdesken qarsylastar óz deńgeıine laıyq emes jáne onyń bul sheshimine jankúıerleri narazy.
Senim onyń basty máselesi, sebebi oǵan Golovkınge qarsy shyǵyp, orta salmaqta ataq qorǵaý áldeqaıda mańyzdy edi, biraq jekpe-jekke shyǵýdan bas tartty. Endi qaıda barsa da, ózi týraly synnyń astynda qalyp júr», - dedi Boxingscene.com suhbat bergen Markes.
