Hýan Manýel Markes: Eger Golovkın-Alvares jekpe-jegi bolatyn bolsa, «Kanelo» «naǵyz bombanyń» astynda qalady
ASTANA. QazAqparat - Eger qazaqstandyq Gennadıı Golovkın men Saýl Alvarestiń jekpe-jegi bolsa, onda «Kanelo» naǵyz bombanyń» astynda qalady, dep sanaıdy ańyzǵa aınalǵan meksıkandyq boksshy Hýan Manýel Markes.
Bul týraly GGG tobynyń VKontakte áleýmettik jelisinde habarlanǵan.
Eske sala keteıik, naq osy H.Markes 2012 jyly álemdik bokstegi sýperjuldyz Mennı Pakıaony eń aýyr nokaýtqa jibergen bolatyn. Kóptegen BAQ bul jekpe-jekti «jyl urysy», meksıkandyqtyń nokaýtyn «jyl nokaýty» dep ataǵan bolatyn. Fılıppındik M.Pakıao osy utylystan keıin bir jylǵa derlik ýaqyt rıngige shyǵa almaı qalǵan edi.
«Alvares - kóp qozǵalmaıtyn boksshy. Ol qarsylasynyń aldynda turyp alady da korpýspen qorǵanys qozǵalysyn paıdalanady. Golovkın tikeleı shabýylǵa shyǵyp, qarsylasyna qaraı qarsy júredi. Alvares úshin bul onyń tehnıkalyq daǵdylaryna eleýli syn bolady», - dep sanaıdy sarapshy.
Onyń aıtýynsha, Gennadıı Golovkın korpýspen kóp qozǵalmaıdy, shabýylmen áreket etedi.
«Árıne, «Kaneloǵa bul keshte naǵyz bomba jaýady. «Kanelo» únemi ózin ortada ustap, arqanǵa qysyp tastaýyna jol bermeýi tıis. Sondaı-aq ol solǵa jáne ońǵa oryn aýystyryp otyrýy tıis, «áıtpese bir orynnan GGG-niń qozǵalmaıtyn nysanasyna aınalýy múmkin. Saýl kombınatsııalar qoldanyp, soqqydan araqashyqtyqty saqtaı bilýi qajet, bul onyń qolynan keledi. Golovkın bul urysta kombınatsııalarmen áreket etýi tıis. Ony kútýge bolady. Qazaqstandyq óziniń urystarymen jáne nokaýttarymen osyndaı urystarda favorıtke aınaldy», - dep atap ótedi H.Markes.
Keıbir málimetterge qaraǵanda Golovkın-Alvares kópten kútken oıyny qyrkúıekte bolmaq. Urys bolatyn kún jóninde eki taraptan da ázirge resmı qýattaý túsken joq. Promoýterleri josparlanyp otyrǵan Golovkın-Alvares jekpe-jegi týraly resmı qýattaý jasaǵan joq.
Degenmen Golovkın orta salmaqta jeńilmegen boksshy. Óziniń shalt qımylymen jáne belsendi alǵa jyljýymen qarsylasyn buqtyryp tastaıdy.
S.Alvareste qazirgi kezde osy kezdesýdińń birneshe ýaqytsha nusqasy bar. Biraq ta ol osy jekpe-jekte baryn ortaǵa salýy tıis.
Golovkın búginde WBA, IBO, WBC (Interim) jáne IBF belbeýleriniń ıesi.
