Hý Tszıntao: Qytaı beıbit kezeńde áskerı kúshterdi belsendi paıdalanýǵa nıetti
BEIJІŃ. 8 qarasha. QazAqparat - Qytaıǵa beıbit kezeńde áskerı kúshterdi paıdalanýdy belsendi josparlaý qajet.
Bul týraly búgin Beıjińde Qytaı Kommýnıstik partııasynyń (QKP) 18-shi seziniń ashylýynda uıymnyń bas hatshysy Hý Tszıntao aıtty.
Qytaı Kompartııasynyń sezi Beıjińde 8-14 qarasha aralyǵynda ótedi. QKP-nyń kóshbasshysy Hý Tszıntao óziniń baıandamasynda qytaılyq ózgeshelikpen sotsalızm joly bul - «beıbit damýdy» qoldaý dep atap ótti. «Ashyq túrdegi damýdy, beıbit halyqaralyq jaǵdaıdy qurý arqyly áriptestik negizinde damýdy ustanǵan jón», - dedi Hý Tszıntao.
«Beıbit kezeńde áskerı kúshterdi qoldanýdy josparlaı otyryp, áskerı kúreske daıyndyqty úzdiksiz keńeıte jáne tereńdete otyryp, túrli áskerı mindetterdi oryndaýda jáne eń aldymen, aqparattandyrý jaǵdaıynda kelip jatqan jergilikti soǵystarda jeńiske jetýde óz múmkidikterimizdi arttyra otyryp teńiz, ǵarysh jáne júıelik keńistik qaýipsizdigine úlken kóńil bólý qajet», - dep atap ótti Hý Tszıntao.
