Hrýnıchev atyndaǵy Ortalyqtyń úsh basshysy «Proton» apatyna baılanysty jumystan bosatyldy
RBK habarlaǵandaı, úkimettik komıssııa jumysynyń qorytyndysy boıynsha, uıymda óz qyzmetterin tıisti deńgeıde oryndamaǵandary úshin bas dırektordyń sapa jónindegi orynbasary Aleksandr Kobzar, túpkilikti jınaqtaý tsehynyń bastyǵy Valerıı Grekov jáne tehnıkalyq baqylaý bóliminiń bastyǵy Mıhaıl Lebedev qyzmetterinen bosatyldy.
Eske sala keteıik, 3 GLONASS serigi bar "Proton-M" tasyǵysh-zymyrannyń apaty 2013 jylǵy 2 shilde kúni tańerteń erte Baıqońyr ǵarysh aılaǵynan ushyrý kezinde oryn alǵan. Osy oqys oqıǵa saldarynan raketa jerge qulap jaryldy. Sarapshylardyń baǵalaýy boıynsha, shyǵyn 4 mlrd. rýbldan asyp jyǵylady.
Roskosmos basshysynyń orynbasary Aleksandr Lopatın jetekshilik etken komıssııa, apat, zymyrannyń buryshtyq jyldamdyqtardyń alty qurylǵysynyń (datchık) úsheýiniń durys bekitilmeýi saldarynan oryn alǵan. Qurylǵylar M.V.Hrýnıchev atyndaǵy Memlekettik ǵaryshtyq ǵylymı-óndiristik ortalyqtyń kásiporyndary qyzmetkerleriniń birimen teris ornatylǵan.
Tamyz aıynyń basynda RF vıtse-premeri Dmıtrıı Rogozın, "Proton" apatyn zertteý jónindegi vedomstvoaralyq komıssııanyń otyrysynda apat saldary úshin Roskosmostyń sheneýnikteri de jaýap berýi tıis dep málimdedi.