Hrýnıchev atyndaǵy ǵarysh ortalyǵynyń jańa basshysy taǵaıyndaldy
ASTANA. 21 qazan. QazAqparat - Hrýnıchev atyndaǵy ǵarysh ortalyǵy basshysynyń burynǵy orynbasary Aleksandr Selıverstov atalǵan kásiporynnyń jańa basshysy bolyp taǵaıyndaldy. Bul týraly RIA Novostı aqparat agenttigi habarlady.
A. Selıverstovtiń burynǵy bastyǵy Vladımır Nesterov 2012 jylǵy 15 tamyzda «Brız-M» blokyndaǵy apattan eki aptadan keıin otstavkaǵa ketken edi. Apattyń kesirinen "Telkom-3" jáne "Ekspress-MD2" baılanys spýtnıkteri orbıtaǵa shyǵarylmaı qalǵan bolatyn.
M.V. Hrýnıchev atyndaǵy Memlekettik ǵarysh ǵylymı-óndiristik ortalyǵy jeńil jáne aýyr sanatty zymyrandar, baılanys spýtnıkterin jasaqtaıdy jáne shyǵarady. Onyń eń tanymal ónimderi - "Proton-M" jáne "Proton-K" zymyrandary.
