«Hronıkadan bolashaqqa»: Prezıdent TRK kınolektorııi pavlodarlyqtardy úlken ekran aldyna jınady
PAVLODAR. KAZINFORM — Alyp ekranda kórermenge sol bir syndarly sátterdiń aýyrtpalyǵyn, búgingi Qazaqstannyń tynysyn, birlik pen memleket qoldaýynyń qýatyn sezdirte otyryp, erteńgi kúnge degen senimge umtylǵan adamdar men oqıǵalar týraly tarıh órildi. Prezıdent TRK-niń aýqymdy aǵartýshylyq jobasy Pavlodarda óz jalǵasyn tapty.
Bul kúnderi jergilikti kınoteatr qoǵam ókilderin, jastardy, medıa salasynyń mamandary men zamanaýı derekti kınematografııaǵa qyzyǵýshylyq tanytatyn qala turǵyndaryn bir arnaǵa toǵystyrdy. Pavlodarlyqtarǵa Prezıdent TRK-niń menshikti prodakshn-bazasy — Derekti kıno ortalyǵynyń úzdik týyndylary usynyldy.
Alǵashqy kúni kórermender «Travel Kazakhstan» jáne «Sert» derekti fılmderin tamashalady. Alǵashqy týyndy elimizdiń týrıstik áleýetin, ár óńirdiń aıryqsha sulýlyǵyn, tabıǵı ári mádenı baılyǵyn baıandaıdy. Kórermender asqar shyńdardan jazıraly keń dalaǵa, kóne eskertkishterden zamanaýı shaharlarǵa deıin saıahattap, Qazaqstannyń barlyq aýmaǵyn aralap shyqqandaı áser aldy. Fılm eldiń tynys-tirshiligin tereńnen sezinýge jáne ony jańa baǵyttar men tyń jańalyqtardyń mekeni retinde kórýge múmkindik berdi.
«Sert» fılminiń konteksti basqa, ol 2024 jylǵy joıqyn sý tasqyny kezindegi halyqtyń birligi men erligi, sondaı-aq Memleket basshysynyń tapsyrmalaryn oryndaý aıasynda atqarylǵan aýqymdy jumystar men ondaǵy adamdardyń taǵdyry týraly baıandaıdy.
— Usynylǵan derekti jobalar — tek oqıǵalar jylnamasy emes, bul — qoǵamda bolyp jatqan úderisterge tereńirek úńilýge múmkindik beretin tarıhymyz ben búgingi zamanymyzdyń shynaıy aınasy. Olar ótken men búgindi saraptaýǵa arnalǵan alańǵa aınalyp, el bolashaǵyna degen ortaqtastyq pen jaýapkershilik sezimin qalyptastyrady, — dep atap ótti Pavlodar oblysy ákiminiń orynbasary Aıgúl Málikova.
Onyń pikirinshe, «Sert» fılmi kóptiń oıyn patrıotızm men el aldyndaǵy azamattyq jaýapkershilik sııaqty uǵymdarǵa jetelep, Qazaqstannyń qýaty — halyqtyń birligi men memlekettiń árbir azamat taǵdyryna degen janashyrlyǵynda ekenin baıandaıdy.
Fılmniń ereksheligi — shynaıylyǵynda: ol dıktorlyq súıemeldeýsiz, tek keıipkerlerdiń oqıǵalary men suhbattary negizinde túsirilgen. Apattan keıingi qalpyna keltirilgen óńirler, kórsetilgen kómek pen memleket tarapynan jasalǵan qoldaý týraly sol qamqorlyqqa bólengen, kózben kórgen turǵyndardyń ózderi áńgimeleıdi. Dál osy adamdardyń aıtqandary fılmdi Prezıdent sóziniń azamattar taǵdyrynda naqty iske asyp jatqanynyń jandy dáleline aınaldyrǵandaı.
— Derekti kıno salasynda shynaıylyq pen faktilerdiń dáldigi alǵashqy orynda turatyny belgili. Deıturǵanmen shynaıy sheberlik ekrandaǵy hronıka kórermen boıynda janashyrlyq, baýyrlastyq pen ortaqtastyq sezimi sııaqty shynaıy tebirenis týdyrǵanda kórinedi. Shyǵarmashylyq toptyń qol jetkizgeni de — osy: árbir sıýjettik jeliniń astarynda orasan zor eńbek pen tarıhı mańyz jatyr, — dep baǵa berdi oblystyq qoǵamdyq keńestiń múshesi Erkeǵalı Janǵazy.
Pavlodarlyqtarǵa bul taqyryp jaqsy tanys. 2024 jyly munda birneshe aýyldy sý basyp, sonyń ishinde Aqtoǵaı aýdany, Jalaýly eldi mekeninde aýyr jaǵdaı qalyptasqan.
— Memleket basshysynyń tapsyrmasymen bar-joǵy úsh aıdyń ishinde baspanasyz qalǵan bes otbasyǵa zamanaýı turǵyn úıler salynyp berildi. Azamattar búlingen dúnıe-múlki úshin tolyq ótemaqy aldy. Bul derekter — jaı ǵana statıstıka emes, Prezıdentimizdiń nazary men qamqorlyǵy, memlekettiń jedel áreketi halyq úshin naqty qoldaýǵa aınalǵanynyń dáleli, — dep atap ótti Erkeǵalı Janǵazy.
Kelesi kúni kınolektorıı «Qulaly aralynyń adamy» jáne Memleket basshysy Qasym-Jomart Toqaevtyń 2025 jylǵy jeltoqsanda Japonııaǵa jasaǵan memlekettik saparynyń qorytyndysyna arnalǵan «Qýatty seriktes» derekti fılmderiniń kórsetilimimen jalǵasty.
Pavlodarlyq kórermender usynylǵan fılmderdiń ıdeıalyq mazmuny men rejısserlik jumystardy joǵary baǵalady. Kórsetilimnen keıin Derekti kıno ortalyǵynyń aǵa redaktory ári stsenarıı avtory Elmıra Ishmuhametovamen, sondaı-aq ortalyq rejısseri Baqtııar Qanafınmen shyǵarmashylyq kezdesý ótti. Qatysýshylar fılmderdiń túpki oıy men túsirilim barysy týraly kóbirek bilip, mamandardyń kásibı pikirlerin tyńdady jáne avtorlarǵa suraqtaryn qoıdy. Talqylaý zamanaýı qoǵamdaǵy derekti kınematografııanyń róli týraly jandy dıalogqa aınaldy.
— Prezıdent TRK-niń 30 jyldyǵyna arnalǵan aǵartýshylyq joba aıasynda kınolektorııdi Qazaqstannyń 20 qalasynda ótkizý josparlanǵan. Pavlodar bul tizimde on ekinshi qala boldy. Bul jobanyń maqsaty — erekshe senimdilik atmosferasyn qalyptastyrý, sebebi bizdiń fılmderimiz Qazaqstanda bolyp jatqan eń jarqyn ári mańyzdy oqıǵalar týraly baıandaıdy. Ekran arqyly bir aımaqtyń turǵyndary kelesi óńirdiń tynys-tirshiligin kórip, olardyń yrǵaǵyn sezinip, bir-birin tereńirek túsinýi de mańyzǵa ıe. Osylaısha derekti kınematografııa ózderińiz kórip otyrǵandaı ózindik kópirge aınalady. ıAǵnı eldiń bir-birinen shalǵaı jatqan túkpirlerin toǵystyryp, birtutas mádenı keńistik qalyptastyrady, baýyrlastyq sezimin nyǵaıtady, — dedi Prezıdent TRK Derekti kıno ortalyǵynyń aǵa redaktory Elmıra Ishmuhametova.
Eske salaıyq, «Hronıkadan bolashaqqa» respýblıkalyq kınolektorııi buǵan deıin Astana, Qyzylorda, Túrkistan, Shymkent, Taraz, Aqtaý, Atyraý, Oral, Aqtóbe jáne Óskemen qalalarynda ótti.
Kınolektorıı óz jumysyn 25 qyrkúıekte Almaty qalasynda aıaqtaıdy.
