Hromtaýda jarylystan úı qulap, 7 adam aýrýhanaǵa jetkizildi
HROMTAÝ. QazAqparat - Hromtaý aýdany, Aqjar aýylynda jeke úıde jarylys bolyp, kireberis bólme qulap qaldy, dep habarlaıdy QazAqparat tilshisi.
Búgin saǵat 16:00-de Hromtaý aýdany Aqjar aýylynda úıde jarylys bolyp, kireberis qulap qaldy. Shaqyrtý ornyna órt sóndirý bóliminiń brıgadasy jiberildi.
«Tótenshe oqıǵa kezinde Hromtaý qalasynyń aýrýhanasyna 7 adam jetkizildi. Onyń ishinde úsheýi bala. Zardap shekkenderdiń jaǵdaıy ortasha aýyrlyqta. Qazirgi ýaqytta bárin dárigerler óz baqylaýyna aldy»,- dedi oblystyq TJD baspasóz qyzmeti.
Aıta keteıik, búgin Aqtóbe qalasynda kópqabatty úıde páter órtendi.
