Hromtaýda voleıboldan Ulttyq lıgadaǵy erler komandalary arasynda el chempıonatynyń aqtyq týry ótedi
ALMATY. 30 naýryz. QazAqparat - Hromtaýda 6-11 sáýir kúnderi voleıboldan Ulttyq lıgadaǵy erler komandalary arasynda HH Qazaqstan chempıonatynyń 6-týry bolady.
Ol «Shyǵys-QorǵasynQurylys» (Óskemen) pen «Atyraý», «Almaty» men «Kondensat» (Oral) jáne jarys qojaıyndarynyń «TNK «Qazhrom» men Qyzyljardyń «Esil» komandalarynyń arasyndaǵy oıynmen bastalady. Buǵan deıin 4-týr oıyndary 7-12 aqpanda Oralda ótken edi. Qazir týrnır kestesinde 53 upaımen almatylyqtar tizgindi eshkimge berer emes. Olardy ókshelep kele jatqan hromtaýlyqtardyń 7 upaıy kem. Al óskemendikterde - 27, atyraýlyqtarda - 23, qyzyljarlyqtarda - 17, oraldyqtarda - 14 upaı bar. Aqtyq synda endi jarys qojaıyndary almatylyqtardy qýyp jetýge bar kúshin jumsaıtyny anyq. Onda Óskemen men Atyraý qalalarynyń voleıbolshylar da qola júlde úshin birshama tartysqa túspek. El chempıonatynyń jeńimpazy odan keıin 29-maýsym men 9-shilde aralyǵynda Qytaıdyń Shanhaı qalasynda ótetin klýbtyq Azııa chempıonatynda el namysyn qorǵaıtyn bolady.
