Hromtaýda polıtseı óz ómirin qaterge tigip, 5-qabattan sekirgeli turǵan áıeldi qutqardy

HROMTAÝ. QazAqparat - Hromtaýda polıtseı turǵyn úıdiń 5-shi qabatynan sekirmek bolǵan áıeldi qutqardy, dep habarlaıdy QazAqparat.

6 qyrkúıek kúni keshki 20:00 shamasynda 102 arnasyna belgisiz áıeldiń besinshi qabattaǵy terezeden sekirgeli jatqany týraly habar túsken.

Oqıǵa ornyna tez arada kezekshilikke shyqqan ýchaskelik polıtsııa ınspektorlary jetti.

Úsh ýchaskelik polıtsııa ınspektory uzaq oılanbastan shatyrǵa kóterilip, áıelmen áńgimelesip, ony sabyrǵa shaqyrdy.

Al áıel jylap, ózin jaıyna qaldyrýdy suraǵan.

Osy sátte polıtsııa kapıtany Raıymbek Ońǵarbaev óz ómirin qaterge tigip, shatyrdan balkonǵa sekirip, áıeldi qutqaryp qaldy.

Qazir oqıǵanyń mán-jaıy anyqtalyp jatyr.