Hromtaýda mas júrgizýshige jol erejesin buzǵany úshin 6 hattama toltyryldy
20 tamyz kúni qalada patrýldeý kezinde Hyundai Tucson avtokóligi polıtsııa qyzmetkerleriniń kúdigin týdyrdy. Júrgizýshi tártip saqshylarynyń zańdy talaptaryn oryndamaı, daýys zoraıtqysh quraly arqyly berilgen toqtatý týraly eskertpege qulaq aspaǵan.
Hromtaý qalasynda baǵdarshamnyń tyıym salatyn sıgnalyna ótip ketken ol manevr jasaý erejelerin buza otyryp, Samara – Shymkent avtojolyna baǵyt alady. Aqtóbe qalasynyń mańynda polıtsııa qyzmetkerleri qýdalaý arqyly avtokólikti toqtatty.
Júrgizýshiniń kólikti jeńil dárejedegi mas kúıde júrgizgeni, sonymen qatar kólik quraldaryn basqarýǵa quqyǵy bolmaǵany anyqtaldy. Quqyq buzýshy Hromtaý aýdanynyń polıtsııa bólimine jetkizildi. Avtokólik polıtsııa bóliminiń aýmaǵynda turaqqa qoıyldy. Er adamǵa qatysty alty ákimshilik hattama toltyryldy.
