«Hrıstovo bratstvo», «Sońǵy ósıet shirkeýi» jáne ózge de, barlyǵy 1463 dinı birlestik qaıta tirkeýden ótken joq - Q.Lama Sharıf
ASTANA. 15 qarasha. QazAqparat - Dinı birlestikterdi qaıta tirkeýden keıin, olardyń sany 32 paıyzǵa qysqardy.
Bul týraly búgin elordada ótip jatqan Qazaqstan din tanýshylarynyń ІІ forýmynda QR Din isteri agenttiginiń tóraǵasy Qaırat Lama Sharıf aıtty.
Dinı birlestikterdi qaıta tirkeý úderisi der kezinde jasalǵan sátti qadam bolǵandyǵyn basa aıtqan ol: «Dinı birlestikterdiń sany men ustanatyn dini týraly jańa derekter alyndy. Elimizde qaıta tirkeý úderisi bastalǵanǵa deıin tirkeýde 4551 dinı birlestik bolǵany belgili. 2012 jyldyń 25 qazanynda aıaqtalǵan qaıta tirkeýden keıin olardyń sany 3088-ge deıin qysqardy»,-dedi.
Agenttik tóraǵasynyń paıymynsha, olardyń sanynyń azaıýy sany az dinı toptardyń taratylýymen jáne is júzinde jumys júrgizbegen dinı birlestikterdiń qaıta tirkeýden ótpeýimen baılanysty bolǵan. Olardyń qatarynda «Hrıstovo bratstvo», «Sońǵy ósıet shirkeýi», «Aljan-Dom spasenııa», «Hrıstıan ǵylym shirkeýi» syndy dinı birlestikter bar.
«Buryn qyzmet atqarǵan dinı birlestikterdiń keıbiri óz quryltaı qujattaryna dintaný saraptamasynyń teris qorytyndysyn aldy. Olar «Saentologııa» shirkeýi, «Birigý» shirkeýi, «Aqmadıa jamaǵaty», «Rýhanı jol» jáne taǵy basqalary»,-dedi Q. Lama Sharıf.
