Hrıstıandyqtyń joǵary ıdeıalary dostyqtyń, beıbitshilik pen kelisimniń nyǵaıýyna septigin tıgize beretindigine senimdimin - Erjan qajy Malǵajyuly
ASTANA. 7 qańtar. QazAqparat - Qazaqstan Musylmandary dinı basqarmasynyń tóraǵasy, Bas múftı Erjan qajy Malǵajyuly barsha qazaqstandyqtardy Rojdestvo meıramymen quttyqtady.
Bas múftı Qazaqstannyń barsha musylmandary jáne óz atynan elimizdegi pravoslav dindarlaryn Isa paıǵambardyń týǵan kúnimen quttyqtap, búgin otandastarymyz búkil álemdegi mıllıondaǵan hrıstıandar sııaqty Rojdestvo meıramyn atap ótip jatqandyǵyn, bul shýaqty merekeniń 2 myńnan astam jyldyq tarıhy bar ekendigin basa aıtqan.
«Hrıstıandyqtyń joǵary ıdeıalary ár kezde de bizdiń jerimizdegi dostyqtyń, beıbitshilik pen kelisimniń nyǵaıýyna, senim men rýhtyń saltanat qurýyna óz septigin tıgize beretindigine senimdimin. Qazaqstan jerindegi ıslam men pravoslavıeniń kóp jyldarǵa sozylǵan myǵym odaǵy jastardy otbasylyq qundylyqtar men otansúıgishtikke tárbıeleýde mańyzdy ról alatyndyǵy qýantady», - delingen quttyqtaýda.
Sondaı-aq Erjan qajy Elbasy N.Nazarbaevtyń kóregen saıasatynyń, syndarly sheshimderiniń arqasynda kópultty Qazaq jerinde beıbitshilik, tynyshtyq pen kelisim ornap otyrǵandyǵyn erekshe atap ótken.
